Ai shtoi se procesi i printimit të fletëve do marrë një ose dy ditë, duke angazhuar të gjithë resurset. Sa i përket shërbimin postar Celibashi tha se ka shërbime që e sjellin votën edhe për dy ose tre ditë, por ngriti pyetjen që a janë mundësitë që të paguhet 200-300 euro për çdo votues.
TIRANË- Kreu i Komisionit Qendror Zgjedhor, Ilirjan Celibashi gjatë fjalës së tij është shprehur se janë drejt finalizimit të procedurave që lidhen me përdorimin e platformës, për blerjen e platformës për regjistrimin e votuesve nga jashtë. Sipas tij javën që vjen ky proces do jetë i finalizuar dhe do të merren me aspektin teknik të ndërtimit të kësaj platforme.
Ai theksoi se do të evidentojnë dokumentacionin dhe modelet zgjedhor që do përdoren për votimin nga jashtë. Celibashi gjithashtu shtoi se po ndërtojnë fillimisht në letër gjithë infrastrukturën logjistike të këtij procesi ndërsa theksoi se është sfidë e vërtetë për KQZ dhe çdo ditë e më shumë bëhet sfidues ky proces.
"Jemi drejt finalizimit të procedurave që lidhen me përdorimin e platformës, për blerjen e platformës për regjistrimin e votuesve nga jashtë. Në javën që vjen ky proces do jetë i finalizuar dhe do të merremi me aspektin teknik të ndërtimit të kësaj platforme. Do evidentojmë dokumentacionin dhe modelet zgjedhor që do përdoren për votimin nga jashtë. Po ndërtojmë fillimisht në letër gjithë infrastrukturën logjistike të këtij procesi për të cilin duhet ta them që është sfidë e vërtetë për KQZ dhe çdo ditë e më shumë bëhet sfidues ky proces. Është me rëndësi të thuhet që deri në momentin që flasim, çdo gjë dukshëm po kontribuon në realizmin me sukses të këtij procesi.
Jo pa qëllim thash çfarë lidhet me KQZ, me përjashtim të aktit të fundit që ka të bëjë me procedurat e numërimit, dhe fletës së votimit, është akt që mori më shumë kohë për ta përgatitur dhe besoj sot ose nesër ia përcjell Komisionit Rregullator. Çdo gjë tjetër është përmbushur nga KQZ. Brenda 1 jave dhe ky akt do jetë në fuqi, besoj se edhe Komisioni Rregullator do e miratojë. Ka disa çështje, ne si institucion bazuar në çfarë kemi zhvilluar konsultime me qëllim të realizmit të votimit nga jashtë, kemi konkluduar se ka disa aspekte që nuk lidhen vetëm me KQZ. Mund të këtë një problematike, ne thjesht e kemi sjellë në vëmendje," tha ai.
Celibashi shtoi se procesi i regjistrimit të kandidatëve dhe partive përfundon 30 ditë para datës së zgjedhjeve. Sipas tij ekziston mundësia që ky proces për shkak të ankimeve të përfundojë 30 ditë para ditës së zgjedhjeve. Ai shtoi se procesi i printimit të fletëve do marrë një ose dy ditë, duke angazhuar të gjithë resurset. Sa i përket shërbimin postar Celibashi tha se ka shërbime që e sjellin votën edhe për dy ose tre ditë, por ngriti pyetjen që a janë mundësitë që të paguhet 200-300 euro për çdo votues.
"Sipas dispozitave aktuale, procesi i regjistrimit të kandidatëve dhe partive përfundon 30 ditë para datës së zgjedhjeve. Teorikisht ekziston mundësia që ky proces për shkak të ankimeve të përfundojë 30 ditë para ditës së zgjedhjeve. Ne listën e kandidatëve e konsiderojmë që e kemi edhe 30 ditë para datës së zgjedhjeve. Nga operatorët e shërbimit postar, është fakt, ne do duam të kemi 40 ditë në dispozicion. Kanë qenë tre operatorë, dy prej tyre emra të njohur, që kanë thënë të njëjtën gjë.
Procesi i printimit të fletëve do e marrë një ditë, dy ditë, duke angazhuar të gjithë resurset dhe duke i shtuar. Humbasim edhe dy ditë apo tre ditë, votuesi jashtë i ka edhe dy apo tre ditë. Për shërbimin postar mbetet diku tek 15 ditë. Ka shërbime postare që e sjellin edhe për dy ose tre ditë, por a i kemi mundësitë që të paguajmë 200-300 euro për çdo votues. Çfarë është në dorë ët KQZ do bëhet, sido që të ndodhë me këtë proces do jetë e qartë, sa edhe për këdo spekulant që nesër mos ta ketë mundësinë ta drejtojë gishtin te KQZ.
Do jetë e qartë e kishim apo jo në dorë për ta bërë këtë gjë. Me siguri 100% do ia dalim të ndërtojmë platformën elektronike të votimit, ne besoj se kemi mbaruar punë si institucion. Çështjet e tjera do duhet ti diskutojmë, hajde ulemi. Kjo çështje është, partitë politike, ajo që është në qeveri dhe opozitën, do duhet ta konsiderojnë. S’po them se domosdoshëm duhet të ndryshosh dispozitat, ne kërkojmë që ti paraprijmë. S’ka rëndësi se kush do jetë nesër përgjegjësi, ata nuk do duan t’ia dinë, në fund është e rëndësishme çfarë do ndodhë, do bëhet apo s’do bëhet. Është mirë që të gjithë aktorët të punojnë bashkë për ato problematika," tha ai.
Ilirjan Celibashi TIRANË- Kreu i Komisionit Qendror Zgjedhor, Ilirjan Celibashi është pyetur së fundmi nëse do të flas...
asllan dogjani TIRANË- Deputeti i Partisë Demokratike, Asllan Dogjani është paraqitur ditën e sotme në Prokurorinë e Po...
Ilirjan Celibashi TIRANË- Kreu i Komisionit Qendror Zgjedhor, Ilirjan Celibashi është shprehur se do të zhvillojë një ta...
TIRANË- Ish-drejtori i Policisë së Shkodrës, Edmond Sulaj ka paditur për shpifje kreun e Grupit Parlamentar të Partisë Demo...
Ilirjan Celibashi TIRANË- Kreu i Komisionit Qendror Zgjedhor, Ilirjan Celibashi gjatë fjalës së tij ka folur në lidhje me vot...
Foto ilustruese TIRANË- Sekretari i Përgjithshëm i Partisë së Lirisë, Tedi Blushi ka folur para mediave pas takimit t&eu...
vjosa osmani KOSOVË- Presidentja e Kosovës, Vjosa Osmani, në fjalimin e saj vjetor para deputetëve bëri thirrje për rua...
Edi Rama TIRANË- Kryeministri Edi Rama ka deklaruar se gjuha shqipe po has shumë presione dhe rreziqe në këtë shekull. Në&nbs...
foto e postuar nga dhurata cupi TIRANË- Kryeministri Edi Rama deklaroi dje se mund të shqyrtohet mbyllja e aplikacioneve të "Tik Tok" dhe "S...
sali berisha TIRANË- Do të mbahet sot seanca ku pritet të shqyrtohej kërkesa e kreut të PD, Sali Berisha lidhur me vendimet e GJKK...