Sport

Arda Guler si Odegaard? Arsenali provon për talentin turk: nuk gjen hapësirë te Reali

Güler ka një kontratë me Real Madridin deri në vitin 2029 dhe ëndërron të vendoset në fanelën e bardhë, situata e tij aktuale i ngjan asaj të Ødegaard, që tani është një shtyllë e ‘Topçinjve’.

21 Nëntor 2024, 08:30 Nga DOSJA

Arda Guler si Odegaard? Arsenali provon për talentin turk: nuk gjen

SPANJE - Arda Güler nuk po kalon një përvojë të lumtur te Real Madrid. Në një vit e gjysmë nën drejtimin e Carlo Ancelotti, talenti turk luajti vetëm 22 ndeshje nga 48 në dispozicion (nga të cilat 8 si titullar), duke qëndruar jashtë për shkak të dëmtimit në 24 raste të tjera.

Me kohën e lojës të barabartë me 17.12% të atyre në dispozicion, talenti i ri turk përpiqet të gjejë hapësirën e nevojshme për t'u rritur dhe demonstruar cilësitë e tij.

Arsenali po monitoron nga afër situatën e talentit Güler, duke parë ngjashmëri tek ai me Martin Ødegaard. Edhe norvegjezi, gjatë eksperiencës në Real Madrid, gjeti pak hapësirë ​​për t'u shprehur, derisa u huazua te Real Sociedad, ku shpërtheu.

Arsenali tani synon të përsërisë këtë strategji, duke i ofruar Güler-it mundësinë për të rifilluar veten në një mjedis që vlerëson talentet e rinj.

Edhe pse Güler ka një kontratë me Real Madridin deri në vitin 2029 dhe ëndërron të vendoset në fanelën e bardhë, situata e tij aktuale i ngjan asaj të Ødegaard, të shitur nga ‘Los Blancos’ dhe tani një shtyllë e ‘Topçinjve’.

Mesfushori turk do të duhet të vlerësojë nëse do të qëndrojë në Madrid, ku rrezikon të mos gjejë hapësira nën drejtimin e Ancelottit, apo të pranojë mundësinë për të rinisur veten në Premier League, duke ndjekur hapat e paraardhësit të tij. Këtë e raporton Sport .

B.T (Dosja.al)

Sondazh

Poll

MË SHUMË