Sport

Rritet kolonia katalanase në Florida… Xavi dhe Masserano janë kandidatët kryesorë për drejtimin teknik të Inter Miamit

Inter Miami është përqëndruar në dy emra me të kaluar te Barcelona, për situatën e pasardhësve në pankinën e saj: dilemë mes Xavi-t dhe Masseranos.

20 Nëntor 2024, 20:52 Nga DOSJA
Rritet kolonia katalanase në Florida… Xavi dhe Masserano janë

SHBA - Dita e nesërme në pankinën e Inter Miami mbetet e panjohur. Pas vendimit të Tata Martinos për t'u larguar nga klubi, pasiguria e rrethon klubin amerikan që do të duhet të kërkojë emrin e radhës për të mbushur boshllëkun e tyre.

Pavarësisht sezonit historik të Inter Miamit në MLS, Tata Martino ka marrë vendimin të mos vazhdojë me skuadrën nga Florida për arsye personale. Sipas “Miami Herald”, dy kandidatët kryesorë për situatën pasardhëse janë dy ish-shokët e skuadrës së Lionel Messit.

Arsyeja për Xavi dhe Javier Masserano, me Inter Miami që i beson sërish recetës së... Barcelonës. I pari mbetet i lirë pas largimit nga pankina e Blaugranas, ndërsa i dyti në stolin U-20 të Argjentinës me kontratë deri në fund të vitit.

Dyshja aktualisht kryeson listën e ngushtë të Inter Miami, me një votë besimi nga ish-shokët e skuadrës së Barcelonës, Messi, Jordi Alba, Sergio Busquets dhe Luis Suarez.

B.T (Dosja.al)

Sondazh

Poll

MË SHUMË