Sport

E PABESUESHME!... Piacenza vendos një rekord: ndërron dy trajnerë në një ditë

Bentivoglio, ishte trajneri emilian për disa orë, ishte përfshirë në çështjen e ‘Calcioscommesse’ të vitit 2011

20 Nëntor 2024, 18:11 Nga DOSJA
E PABESUESHME!... Piacenza vendos një rekord: ndërron dy trajnerë

ITALI - Është ndoshta një rekord i shënuar dje nga Piacenza Calcio, skuadër që luan në kampionatin e Serisë D: dy trajnerë ndërrohen në të njëjtën ditë.

Në mëngjes, klubi emilian njoftoi se kishte punësuar Simone Bentivoglio për të zëvendësuar Carmine Parlato, i cili nga ana e tij mori drejtimin nga Stefano Rossini më 7 tetor.

Bentivoglio drejtoi stërvitjen e pasdites së djeshme, por në mbrëmje drejtuesit njoftuan se kishin shkëputur kontratën me të dhe se kishin thirrur Stefano Rossinin, për t'u ulur menjëherë në stolin bardhekuq në ndeshjen e Kupës së Italisë kundër Villa Valles. 

Faktori vendimtar në shkarkimin e shpejtë të Bentivoglios ishte protesta e ashpër e tifozëve, të cilët u përballën me trajnerin e ri dhe drejtuesit në fushën e stërvitjes pasdite, duke kërcënuar se do t’i braktisnin ndeshjet masivisht.

Tifozët, në fakt, nuk pranuan ardhjen e një trajneri të përfshirë në çështjen e ‘Calcioscommesse’ të vitit 2011, në të cilin Bentivoglio u pezullua për 13 muaj. I përjashtuar, ai ishte protagonist i një prej faqeve më të errëta në historinë më shumë se njëqind vjeçare të klubit emilian, i cili midis viteve nëntëdhjetë dhe fillimit të viteve dymijë, luajti për tetë sezone në Serinë A. 

B.T (Dosja.al)

Sondazh

Poll

MË SHUMË