Aktualitet

Hera e tretë brenda katër ditësh/ Përfshihet nga flakët vendi i depozitimit të mbetjeve në Vlorë, banorët: Shteti të marrë masa! Është kancer i gjallë

Banoret thonë se tymi nga djegia e mbetjeve urbane te qytetit te Vlorës është kancerogjen, ndërsa prej kohesh është kthyer ne një shqetësim serioz për shëndetin e tyre.

16 Nëntor 2024, 15:56 Nga N.F
Hera e tretë brenda katër ditësh/ Përfshihet nga flakët
Zjarr

VLORË- Një zjarr ka rënë në mbetjet urbane të qytetit të Vlorës. Mësohet se një tym i madh i zi ka "pushtuar" zonën. Zjarri dhe tymi ka sjellë që të shqetësojë banorët pasi kjo nuk është hera e parë që mbejtet përfshihen nga flakët. Banoret thonë se tymi nga djegia e mbetjeve urbane te qytetit te Vlorës është kancerogjen, ndërsa prej kohesh është kthyer ne një shqetësim serioz për shëndetin e tyre.

“Normale që është tymi, është e vazhdueshme kjo punë. Të paktën shteti të marrë një masë, se vdesim nuk rrihet, është kancer i gjallë, është e përditshme, e përditshme kjo punë. Është e përditshme të gjithë i kanë marrë të vendosin një bllokim atje, mos të kalojnë më makinat, shiko çfarë bëhet, a rrihet me, jetohet me …” tha një banor.

Kjo është hera e trete brenda katër ditësh që vendi i grumbullimit të mbetjeve urbane të qytetit të Vlorës përfshihet nga flakët. Zgjidhja e vetme e kësaj situate është hapja e landfilldit të Sherishtes, për të cilin të paktën deri më tani, veç deklarate dhe fjalëve optimiste nuk ka asnjë gjë konkrete.

zjarr ne mbetjet urbane ne vlore

Sondazh

Poll

MË SHUMË