Vangjeli tha se Manja, në formularin e deklarimit të pasurisë dorëzuar në 31 Mars 2024, ka shënuar blerjen e një pasurie të paluajtshme tokë me sipërfaqe 1000 m2, me një vlerë të pacaktuar dhe pa deklaruar kohën e blerjes e as burimin e krijimit të të ardhurave.
TIRANA- Zëdhënësja për antikorrupsionin në Partinë Demokratike, Genta Vangjeli, ka bërë sot një deklaratë për mediat ku ka kërkuar hetimin pasuror të Ministrit të Drejtësisë, Ulsi Manja, pas raportimit se ka aplikuar për ndërtimin e një kompleksi vilash në Farkë.
Vangjeli tha se Manja, në formularin e deklarimit të pasurisë dorëzuar në 31 Mars 2024, ka shënuar blerjen e një pasurie të paluajtshme tokë me sipërfaqe 1000 m2, me një vlerë të pacaktuar dhe pa deklaruar kohën e blerjes e as burimin e krijimit të të ardhurave.
Ajo ka shtuar se detajet e marrëveshjes mes pronarëve të tokës janë të panjohura dhe nuk rezultojnë të jenë deklaruar nga ministri i Drejtësisë në ILDKPKI në vitin 2023.
Deklarata e zëdhënëse së antikorrupsionit në PD, Genta Vangjeli:
Ish ndihmës-gjyqtari, ish prokurori dhe avokati, deputeti socialist njëherazi anëtari i komisionit të posaçëm të reformës në drejtësi dhe kryetari i Komisionit të Ligjeve, aktualisht Ministri i Drejtësisë Ulsi Manja në formularin e deklarimit të pasurisë dorëzuar në 31 Mars 2024 ka shënuar blerjen e një pasurie të paluajtshme tokë me sipërfaqe 1000 m2, me një vlerë të pacaktuar, dhe pa deklaruar kohën e blerjes e as burimin e krijimit të të ardhurave.
Ndërkohë mediat shkruajnë, se pasi investoi 3 milionë lekë për blerjen e një sipërfaqeje toke buzë liqenit të Farkës, ministri i Drejtësisë, Ulsi Manja synon që ta transformojë atë në një pasuri me vlerë qindra-mijëra euro brenda një kompleksi vilash me pishina dhe mure rrethuese buzë liqenit të Farkës nën dyshimet për anashkalimin e çmimeve të tregut dhe konfliktin e interesit.
Manja e bleu tokën në vitin 2021 nga zyrtari i Erjon Veliajt, Arben Maloku i ndërtimeve pa leje dhe 5D-së, i cili mbante në atë kohë detyrën e administratorit të njësisë vendore të Zall Herrit, pjesë e Bashkisë së Tiranës.
Tre vjet pas blerjes së tokës të cilën e ka deklaruar në ILDKPI vetëm në 2024 dhe jo në kohën reale të blerjes, sipas po të njëjtit burim, Manja dhe bashkëshortja e tij aplikuan për leje ndërtimi në Bashkinë e Tiranës për projektin e një kompleksi vilash, së bashku me pronarë të tjerë të tokave fqinje në Farkë.
Detajet e marrëveshjes mes pronarëve të tokës janë të panjohura dhe nuk rezultojnë të jenë deklaruar nga ministri Manja në ILDKPKI në vitin 2023.
Sipas të njëjtit burim, Bashkia e Tiranës ka konfirmuar aplikimin për leje ndërtimi kryer më 26 prill, kërkesa është protokolluar në bashki më 10 qershor të këtij viti, dhe ndodhet aktualisht në fazën e shqyrtimit administrativ.
Partia Demokratike ka denoncuar më parë Ulsi Manjën (Ulsi Manja blen 1 mijë metra tokë në Farkë”/ Çlirim Gjata denoncon aferën e ministrit) për këtë blerje toke poshtë çmimit të referencës, duke shmangur taksat …
Por ILDKPI a ka kryer një hetim administrativ për pasurinë e ministrit Ulsi Manja ?!
Imagjinoni çfarë duhet të presin shqiptarët nga ky Ministër që drejton drejtorinë e përgjithshme antikorrupsion që shtrihet në 47 institucione…
Partia Demokratike kërkon me urgjencë dorëheqjen e Ulsi Manjës nga detyra e ministrit dhe apelon Spakun të nisë hetimet e menjëhershme për pasurinë e tij…
Edi Rama TIRANA- Kryeministri Edi Rama ka publikuar episodin e radhës të podcastit të tij "Flasim" ku tha se qeveria po përga...
Antony Blinken dhe Sali Berisha TIRANA- Kreu i Partisë Demokratike Sali Berisha ka pranuar se ka humbur gjyqin e hapur në një Gjyk...
Berisha TIRANË- Ish-Kryeministri Sali Berisha prej dhjetorit 2023 ndodhet në masën e sigurisë “arrest shtëpie” vendosu...
Berisha TIRANË- Lulzim Basha rreth 1 javë më parë deklaroi se pas ngjarjeve të 21 janarit 2011 kishte menduar dorëheqjen nga ...
Berisha TIRANË- Kreu i PD-së, Sali Berisha tha se kurrë nuk ka dhënë një urdhër që më 21 janar 2011 të q&...
Berisha TIRANË- Kreu demokrat Sali Berisha u shpreh se shqiptarët duhet të bashkohen për qeverinë teknike, duke th...
Berisha TIRANË- Kreu demokrat, Sali Berisha ka pranuar se ka humbur gjyqin e hapur në një Gjykatë në Paris kundër Sekret...
Berisha TIRANË- Kreu demokrat Sali Berisha shprehu bindjen se administrata e re amerikane do të korektojë shpalljen e tij “non g...
Berisha TIRANË- Kreu demokrat Sali Berisha është shprehur se do të nisë përpjekjet e tij, pas fitores së Donald Trump n&...
Meta TIRANË- Presidenti i PL-së, Ilir Meta ka publikuar një shkrim të gjatë në llogarinë në "Facebook". Në shk...