Sport

Mbrojtësi Laporte dërgon sinjale nga Arabia Saudite: "Do të doja të kthehesha në Europë. Real Madridi? Nuk do ta përbuzja..."

"Unë nuk jam në dijeni të ndonjë oferte, kam lexuar atë që ju të gjithë keni lexuar. Është e qartë se mund të jetë një gjë e mirë…”

14 Nëntor 2024, 15:29 Nga DOSJA
Mbrojtësi Laporte dërgon sinjale nga Arabia Saudite: "Do të

SPANJE - A mund të kthehet Aymeric Laporte në Europë së shpejti? I intervistuar nga Cadena Ser, mbrojtësi i Al-Nassr tha se dëshiron të kthehet në Kontinentin e Vjetër, për të qenë më afër familjes së tij.

Dhe kjo mund të ndodhë më shpejt se sa pritej, edhe nëse kontrata e tij zgjat deri në vitin 2026: emri i tij, në fakt, përmendet shpesh nga shtypi spanjol, si një blerje e mundshme për Real Madridin për të forcuar mbrojtjen e tyre, të shkatërruar nga dëmtimet e Eder Militao, David Alaba dhe Dani Carvajal.

I pyetur për interesimin e Real Madridit, ish-lojtari i Athletic Bilbaos, tha se ishte mjaft i kënaqur dhe i hapur ndaj kësaj mundësie. "Unë nuk jam në dijeni të ndonjë oferte, kam lexuar atë që ju të gjithë keni lexuar. Është e qartë se mund të jetë një gjë e mirë, nuk do ta shikoja me përçmim një ekip si Real Madridi."

Francezi, i natyralizuar si spanjol në 2021, fitoi Kampionatin Evropian 2024 me La Roja verën e kaluar si lojtar i Al-Nassr, ku mbërriti në vitin 2023, pas largimit të tij nga Manchester City: "Rezultatet tregojnë se ishte një zgjedhje e mirë. Unë nuk do të varem nga ajo që njerëzit mendojnë, për të marrë vendime të rëndësishme në jetën time."

B.T (Dosja.al)

Sondazh

Poll

MË SHUMË