Sport

“Mungesa totale e respektit për futbollin”: një influencues luan 1 minutë në kampionatin argjentinas. Nisin hetimet për ngjarjen…

“Spreen”, një influecues 24-vjeçar, me më shumë se 9 milionë ndjekës në Twitch, u aktivizua të hënën në D1 të Argjentinës nga Deportivo Riestra, përpara se të zëvendësohej pas 78 sekondash. Një ngjarje që shkaktoi zemërim në vend.

13 Nëntor 2024, 12:30 Nga DOSJA

“Mungesa totale e respektit për futbollin”: një

ARGJENTINE - Një influencues u aktivizua nga Deportivo Riestra të hënën, në ndeshjen kundër Vélez Sarsfield, lider i kampionatit argjentinas.

Ivan Buhajeruk, i njohur me pseudonimin "Spreen", një transmetues 24-vjeçar me rreth 15 milionë ndjekës në rrjete të ndryshme sociale (duke përfshirë më shumë se 9 milionë në Twitch), u rreshtua në sulm përpara se të zëvendësohej në fund të 78 sekondave.

Ai nuk preku asnjë top, ndërsa ndeshja përfundoi në barazim (1-1), që e la Vélezin në krye të kampionatit dhe Riestrën, e promovuar këtë sezon në D1 argjentinas, i 9-ti.

Përtej rezultatit, shtypi sportiv, dhe i përgjithshëm, të martën pati vetëm pjesëmarrjen e influencuesit të ri, me reagime kryesisht të indinjuara. Por gjithashtu, duke vënë në dukje se objektivi, zhurma e dëshiruar nga Riestra është arritur.

Jo të gjithë ishin dakort me këtë. I mërzitur dukshëm, sulmuesi i Vélez, golashënuesi më i mirë aktual në kampionat, Braian Romero, pas ndeshjes u shpreh se kjo ishte një  “mungesë respekti ndaj futbollit”. Ai u mërzit për “mashtrimin”, një “mesazh i gabuar i dërguar shoqërisë, fëmijëve, atyre që përpiqen deri në fund” të futen në futboll.

Futbolli, "nuk është ky, është të përpiqesh deri në fund, duke lënë familjen tënde (...), duke u përpjekur, duke dështuar, duke dështuar përsëri, duke u përpjekur përsëri".

Juan Sebastian Veron, ish-ndërkombëtari (49 vjeç, 73 ndeshje) dhe presidenti aktual i klubit Estudiantes de La Plata, kritikoi gjithashtu ngjarjen si një "mungesë totale të respektit për futbollin dhe futbollistët" .

Një hetim i hapur për bastet e mundshme të paligjshme

Të martën, Ministria e Drejtësisë e Argjentinës hapi një hetim mbi lidhjet e mundshme me bastet e paligjshme sportive. “Prokuroria e specializuar në lojërat e fatit ka hapur një hetim për të përcaktuar nëse (...) trajneri i Deportivo Riestra, Cristian Fabbiani dhe ndikuesi Ivan Buhajeruk, synonin të tërhiqnin lojtarë në platforma të paligjshme”, tha prokuroria në një njoftim për shtyp. Klubi nuk pranoi të komentonte kur u kontaktua nga agjencia e lajmeve Reuters në lidhje me hetimin.

Në të njëjtën kohë, Federata Argjentinase e Futbollit (AFA) tha se kishte hapur procedurat me gjykatën e saj të etikës, duke vendosur se përfshirja e Spreen mund të përfshijë "sjellje që mund të dëmtojë reputacionin dhe integritetin e futbollit argjentinas. “Kur ka gjëra që nuk na pëlqejnë, ne duhet t'i korrigjojmë ato”,- tha presidenti i AFA, Claudio Tapia, për gazetën sportive lokale Olé .

Riestra, i njohur për strategjitë e tij jokonvencionale të marketingut, lëshoi ​​një deklaratë duke kërkuar falje për "ata që u ndjenë të ofenduar" nga marifeti i publicitetit. 

“Fatkeqësisht, ky veprim marketingu gjeneroi shumë vlerësime negative. Ne dëshirojmë t'ju ofrojmë faljen tonë më të sinqertë, thuhet në deklaratë. Në asnjë moment nuk kemi menduar të mos respektojmë Velezin apo futbollin argjentinas në përgjithësi”.

B.T (Dosja.al)

Sondazh

Poll

MË SHUMË