Politike

"PD nuk ka pasur vendim për bojkot të parlamentit", Berisha: E rëndësishme që deputetët të thonë fjalën e tyre për buxhetin

Kryedemokrati e konsideroi shumë të rëndësishme që deputetët për buxhetin të thonë fjalën e tyre edhe në parlament, sepse taksapagues është edhe populli opozitar dhe sepse interesat e qytetarëve në rastin e buxhetit duhet të mbrohen nga opozita. 

8 Nëntor 2024, 13:07 Nga r.ll
"PD nuk ka pasur vendim për bojkot të parlamentit", Berisha:
sali berisha

TIRANË- Kryetari i PD-së, Sali Berisha ka folur sot për aksionin opozitar në Kuvend. Ai tha se nuk ka pasur asnjë asnjë vendim të PD për bojkotin e seancave të parlamentit.

Berisha shtoi se përkundrazi deputetët e opozitës janë penguar të futen në seancat parlamentare. Më tej komentoi edhe bojkotin e komisioneve nga ana e opozitës, ku tha se erdhi pasi përjashtimi nga Sekretariati i Etikës vështirësoi pjesmarrjen e tyre në mbledhje. 

Kryedemokrati e konsideroi shumë të rëndësishme që deputetët për buxhetin të thonë fjalën e tyre edhe në parlament, sepse taksapagues është edhe populli opozitar dhe sepse interesat e qytetarëve në rastin e buxhetit duhet të mbrohen nga opozita. 

PJESË NGA FJALA E BERISHËS:

Ka pasur një keqkuptim, keqkuptimi ka qenë që nuk ka asnjë vendim të PD për bojkotin e seancave të parlamentit dhe në rast se i rikthehemi, ju e dini që deputetët tanë që nuk kanë qenë të përjashtuar kanë shkuar në çdo seancë, por janë bllokuar tek dera në mënyrë të paligjshme. Nuk ka patur asnjë vendim edhe njëherë, që të braktisë, që të bojkotohet parlamenti, gjë që mund të merrej, por nuk është marrë.

Ka pasur një vendim kur u bë përjashtimi i 24 deputetëve, ajo pastaj vështirësoi krejtësisht pjesëmarrjen në komisione dhe këto u bojkotuan. Anulimi i vendimit nga Gjykata Administrative rikthej deputetët edhe në komisione. Pra nuk duhet ti marrim gjërat, sikundër nuk janë. Pra nuk ka pasur vendim.

Së dyti e konsideroj shumë të rëndësishme që deputetët për buxhetin të thonë fjalën e tyre edhe në parlament, sepse taksapagues është edhe populli opozitar, sepse interesat e qytetarëve në rastin e buxhetit është shumë specifike dhe do ti mbrojmë edhe në parlament.

Ne jemi të detyruar të dërgojmë amendamente për këto dhe nuk besoj se, PD do të kishte mirëkuptim nga qytetarët nëse ajo debatin për buxhetin nuk e bënte edhe në parlament. Thënë këto, nuk lëviz asgjë nga mosbindja civile. Ju garantoj me përgjegjësi të plotë këtë. Ajo do të vazhdojë në rrugë, sheshe dhe kudo.

sali berisha

Sondazh

Poll

MË SHUMË