Aktualitet

Po kontrabandonin naftë nga Maqedonia e Veriut, arrestohen tre persona në Korçë

Mësohet se arrestimi i tyre ka ardhur pasi ata u kapën teksa kontrabandonin naftë të fshehur në depozita shtesë në kamionët që drejtonin.

7 Nëntor 2024, 13:19 Nga N.F
Po kontrabandonin naftë nga Maqedonia e Veriut, arrestohen tre persona
Foto

KORÇË- Tre persona janë vënë në pranga ditën e sotme në Korçë. Mësohet se arrestimi i tyre ka ardhur pasi ata u kapën teksa kontrabandonin naftë të fshehur në depozita shtesë në kamionët që drejtonin.

Policia bën me dije se të arrestuarit janë 36-vjeçari me inicialet D. G., 40-vjeçari me inicialet E. P., dhe 27-vjeçari me inicialet G. L. Ata akuzohen për veprat penale “Tregtimi dhe transportimi i mallrave që janë kontrabandë”, “Ruajtja apo depozitimi i mallrave kondrabandë” dhe “Kontrabanda me mallra për të cilat paguhet akcizë ose me pezullim të plotë apo të pjesshëm nga detyrimet doganore ose të akcizës”.

Njoftimi i plotë:

Goditen 3 raste të kontrabandës së mallrave dhe arrestohen në flagrancë 3 shtetas që tentuan secili të kontrabandonin nga Maqedonia e Veriut, 600 litra naftë që e kishin fshehur në depozita shtesë në kamionët që drejtonin.

Specialistët e Seksionit për Hetimin e Krimeve Ekonomike dhe Financiare, në vijim të punës për parandalimin, evidentimin dhe goditjen e veprimtarisë kriminale në fushën e kontrabandës së mallrave, bazuar në informacionet e siguruara nga inteligjenca policore, kanë goditur tre raste të veprimtarisë kriminale në këtë fushë.

Në vijim të veprimeve procedurale, u arrestuan në flagrancë shtetasit: D. G., 36 vjeç, E. P., 40 vjeç dhe G. L., 27 vjeç, të tre banues në Pogradec, për veprat penale “Tregtimi dhe transportimi i mallrave që janë kontrabandë”, “Ruajtja apo depozitimi i mallrave kondrabandë” dhe “Kontrabanda me mallra për të cilat paguhet akcizë ose me pezullim të plotë apo të pjesshëm nga detyrimet doganore ose të akcizës”.

Në hyrje të PKK Qafë Thanë, gjatë kontrollit në secilin nga kamionët që drejtonin këta shtetas, shërbimet e Policisë kanë konstatuar një depozitë shtesë me 600 litra naftë, që ishte fshehur me qëllimin për ta futur në Shqipëri, duke shmanguar detyrime tatimore. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.

nafte maqedoni e veriut

Sondazh

Poll

MË SHUMË