Politike

Përgatitja para zgjedhjeve 2025/ Qeveria shton me 20 milionë lekë fondin për KQZ

Në vendimin e Këshillit të Ministrave, thuhet së në buxhetin e KQZ janë shtuar 20,900,000 lekë me kërkesë të Ministrisë së Financave.

6 Nëntor 2024, 18:32 Nga ZH.LL
Përgatitja para zgjedhjeve 2025/ Qeveria shton me 20 milionë lekë
Kreu i KQZ, Ilirjan Celibashi

TIRANË- Qeveria në një vendim të Këshillit të Ministrave, ka vendosur të shtojë fondin në buxhetin e vitit 2024 për Komisionin Qendror të Zgjedhjeve. 

Në vendimin e Këshillit të Ministrave, thuhet së në buxhetin e KQZ janë shtuar 20,900,000 lekë me kërkesë të Ministrisë së Financave.

Njoftimi i VKM:

“Në mbështetje të nenit 100 të Kushtetutës, të neneve 5 e 45, të ligjit nr.9936, datë 26.6.2008, “Për menaxhimin e sistemit buxhetor në Republikën e Shqipërisë”, të ndryshuar, dhe të nenit 14, të ligjit nr.97/2023, “Për buxhetin e vitit 2024”, të ndryshuar, me propozimin e ministrit të Financave, Këshilli i Ministrave vendosi:

1. Komisionit Qendror të Zgjedhjeve, në buxhetin e miratuar për vitin 2024, në programin 01610 “Planifikim, menaxhim, administrim”, i shtohet fondi prej 20 900 000 (njëzet milionë e nëntëqindmijë) lekësh, në zërin “Shpenzime korrente”, për mbulimin e shpenzimeve përgatitore, që i paraprijnë zgjedhjeve për Kuvendin, të vitit 2025.

2. Efekti financiar, sipas pikës 1, të këtij vendimi, përballohet nga fondi rezervë i buxhetit të shtetit, miratuar për vitin 2024.

3. Ngarkohen Ministria e Financave dhe Komisioni Qendror i Zgjedhjeve për zbatimin e këtij vendimi.
Ky vendim hyn në fuqi menjëherë dhe botohet në “Fletoren zyrtare”.

Përgatitja para zgjedhjeve 2025/ Qeveria shton me 20 milionë lekë

kqz qeveria shton fondin zgjedhje 2025

Sondazh

Poll

MË SHUMË