Sport

VIDEO/ Festa e tij shkon keq... por Mourinho edhe një herë sulmon arbitrimin: “Ne po luftojmë kundër sistemit. Po ta dija”...

Trajneri portugez 'shpërthen' pas fitores së vështirë (3-2) ndaj Trabzonspor në 90'+12, por festimi... shkoi keq

5 Nëntor 2024, 20:09 Nga DOSJA
VIDEO/ Festa e tij shkon keq... por Mourinho edhe një herë sulmon

TURQI - Pikërisht me golin e Amrabatit, në mesin e kohës së shtuar (90'+12), Fenerbahçe kaloi 3-2 ndaj Trabzonsporit, moment ky që shkaktoi festime të shumta nga skuadra e Stambollit, me José Mourinhon që shpërtheu në festimet euforike.

Ishte një lojë e ngushtë dhe e ashpër, siç e tregon edhe vetë rezultati, ku të dyja skuadrat u ngritën përballë ekipit të arbitrave të drejtuar nga Oguzhan Çakir.

Në fund të ndeshjes, Trabzonspor përfundoi duke shfaqur të gjithë pakënaqësinë e tyre me një postim në rrjetet sociale dhe nga ana e Fenerbahçes ishte vetë trajneri portugez ai që drejtoi gishtin duke bërë deklarata shpërthyese.

"Ne nuk duam Atilla Karaoglan (VAR) në lojërat tona përsëri. Ne po luftojmë sistemin! Nuk e pamë Atilla Karaoglan në fushë, ishte një gjyqtar i ri në ndeshje, por arbitri prapa ishte Karaoglan. Ai ia doli të bëhej njeriu më i rëndësishëm i ndeshjes nga një njeri i padukshëm,”- tha 'Special One' në zonën e intervistës së shpejtë... por që nuk do të ndalej me kaq.

"Ata më thanë diçka dhe unë nuk e besova, por është më keq se sa më thanë. Është e vështirë, është e vështirë. Kemi luajtur kundër kundërshtarëve të mirë, por kemi luajtur edhe kundër sistemit.

Kjo është gjëja më e vështirë. Luajtëm kundër VAR-it, ndaj sistemit, kështu festuam, pasi fituam kundër njerëzve shumë, shumë të fortë. Nuk do të kisha ardhur te Fenerbahçe po ta kisha ditur se është kështu”.

B.T (Dosja.al)

Sondazh

Poll

MË SHUMË