Politike

Berisha: Masakra e djeshme në Shkodër nuk vinte nga Sigurimi i Shtetit, por nga mafia e shtetit, një forcë po aq e urryer

Berisha gjithashtu tha se Shkodra ka njohur masakra, ka njohur represione, por ajo ka ditur të rezistojë dhe ka ditur të triumfojë gjithmonë.

31 Tetor 2024, 19:39 Nga E. D
Berisha: Masakra e djeshme në Shkodër nuk vinte nga Sigurimi i
Sali Berisha

TIRANË- Kreu i Partisë Demokratike Sali Berisha gjatë fjalimit tij mbrëmjen e sotme ka folur për atentati në Shkodër. Berisha u shpreh se masakra e djeshme në Shkodër nuk vinte nga Sigurimi i Shtetit, por nga mafia e shtetit, një forcë po aq e urryer.  Berisha gjithashtu tha se Shkodra ka njohur masakra, ka njohur represione, por ajo ka ditur të rezistojë dhe ka ditur të triumfojë gjithmonë. 

"Mirëmbrëma dhe përshëndetjet e mia më miqësore, më të përzemërta. Mirënjohjen më të pakufishme ju misionarëve të pamposhtur të kauzës së drejtë, kauzës së lirisë, dinjitetit dhe interesit kombëtar të shqiptarëve. Të dashur miq, Shkodra, ky qytet për kombin i shenjtë, historik, me kontribute të jashtëzakonshme, mbrëmë u përgjak nga banda e qeverisë. Në historinë e saj, Shkodra ka njohur masakra, ka njohur represione, por ajo ka ditur të rezistojë, ka ditur të triumfojë gjithmonë.

Në nëntor të vitit 1944, Shkodrën e vendosën nën pushtim forcat terroriste komuniste, por Shkodra mbeti bastion kryesor i antikomunizmit në Shqipëri dhe Europë. Në vitin 1991, falangat e Sigurimit të Shtetit shkrehën breshëritë vdekjeprurëse mbi gjokset e të rinjve të qytetit dhe realizuan një masakër për të cilën morën ndëshkim botëror. Masakra e djeshme nuk vinte nga Sigurimi i Shtetit, por masakra e djeshme vinte nga mafia e shtetit, një forcë po aq e urryer sa ç’ishte Sigurimi dikur," tha Berisha. 

sali berisha

Sondazh

Poll

MË SHUMË