Aktualitet

Po vendoste lëndë eksplozive në automjetin e dikujt tjetër, 24-vjeçari në Elbasan humb jetën nga shpërthimi

Bëhet me dije se i riu po vendoste eksplozivin në automjetin tip “Volkswagen”, në pronësi të shtetasit me iniciale R. Ç.

29 Tetor 2024, 07:49 Nga M.B
Po vendoste lëndë eksplozive në automjetin e dikujt tjetër,
Foto ilustruese

ELBASAN- Një ngjarje e rëndë ka ndodhur në Elbasan rreth orës 04:10 nga ku mësohet se një 24-vjeçar ka humbur jetën pasi i shpërtheu lënda plasëse që po vendoste në një automjet në lagjen “Shënkoll”. Bëhet me dije se i riu po vendoste eksplozivin në automjetin tip “Volkswagen”, në pronësi të shtetasit me iniciale R. Ç.

Teksa kryente këtë "proces", lënda plasëse i ka shpërthyer dhe 24-vjeçari ka mbetur i dëmtuar. Ai është transportuar në spital dhe ka humbur jetën si pasojë e plagëve të marra. Ndërkohë, grupi hetimor po punon për zbardhjen e ngjarjes.

Njoftimi:

Elbasan/Informacion paraprak

Rreth orës 04:10, në lagjen "Shënkoll", dyshohet se një shtetas rreth 24 vjeç, duke vendosur lëndë eksplozive në automjetin tip "Volkswagen", në pronësi të shtetasit R. Ç., lënda eksplozive ka shpërthyer dhe për pasojë 24 vjeçari është dëmtuar dhe transportuar në spital. Si pasojë e plagëve të marra 24-vjeçari ka humbur jetën në spital.

Është ngritur një grup i posaçëm hetimor me specialistë për Hetimin e Krimeve të Rënda të Drejtorisë Vendore të Policisë Elbasan dhe Departamentit të Policisë Kriminale në drejtimin e Prokurorisë, vijojnë punën për zbardhjen e ngjarjes.

elbasan

Sondazh

Poll

MË SHUMË