Sipas shkrimit anija Moliva XA443A me flamur turk u mbajt rreth një milje larg portit të Durrësit, 33 kilometra (20 milje) në perëndim të kryeqytetit. Prokurorët urdhëruan që kontejnerët të sekuestroheshin dhe të ruheshin “në një vend të sigurt mjedisor dhe fizik” për t'u monitoruar, shkruan AP.
DURRËS- Ditën e sotme në portin e Durrësit janë rikthyer mbetjet toksike të cilat ishin nisur në drejtim të Tajlandës. Ato u rikthyen pas alarmit të ngritur për rrezikshmërinë e tyre ndërsa mbërritja e tonelatave të mbetjeve ka tërhequr vëmendjen e mediave ndërkomëbtare. "The Associated Press” në një artikull të publikuar ditën e sotme shkruan se Shqipëria ndaloi të hënën një anije të dyshuar për transferimin e një sasie të madhe mbetjesh të rrezikshme nga ankorimi në portin kryesor të Tiranës, thanë zyrtarët, pasi një grup mbikëqyrës njoftoi autoritetet.
Sipas shkrimit anija Moliva XA443A me flamur turk u mbajt rreth një milje larg portit të Durrësit, 33 kilometra (20 milje) në perëndim të kryeqytetit. Prokurorët urdhëruan që kontejnerët të sekuestroheshin dhe të ruheshin “në një vend të sigurt mjedisor dhe fizik” për t'u monitoruar, shkruan AP.
Organizata joqeveritare e Basel Action Network me bazë në Seattle, ose BAN, e cila përqendrohet në çështjet mjedisore, tha se ia njoftoi anijen autoriteteve në gusht pas shënimit të një sinjalizuesi se 102 kontejnerët e saj dyshohet se mbanin "reth 2,100 tonë totale metrikë, pluhuri i filtrit të kontrollit të ndotjes së mbeturinave nga industria e çelikut.”
BAN tha se "dërgesa masive" u nis për herë të parë nga Durrësi më 4 korrik 2024, me dy anije të çarteruara nga Maersk me destinacionin e synuar drejt Tajlandës. Grupi tha se gjithashtu paralajmëroi disa vende tranziti dhe bashkëpunoi me EARTH, një organizatë kryesore mjedisore tajlandeze, dhe së bashku ngritën alarmin për dërgesën.
Tajlanda refuzoi të pranonte dërgesën, duke u kërkuar autoriteteve në Singapor ta ndalonin atë. Anijet u ankoruan më pas në një port turk dhe ngarkesa u ngarkua në anijen me flamur turk, e cila ndaloi për pak kohë në portin italian të Gioia Tauro përpara se të shkonte në Shqipëri, tha BAN.
Në dokumentacionin doganor thuhet se kontejnerët kishin oksid hekuri, sipas raporteve lokale. Opozita shqiptare akuzoi qeverinë në gusht për pjesëmarrje në trafikimin e paligjshëm të materialeve të rrezikshme. Kryeministri Edi Rama tha në Parlament në shtator se dokumentet e dërgesës janë verifikuar dhe se oksidi i hekurit nuk konsiderohet si mbetje toksike në katalogët europianë mbi të cilët bazohet procedura mjedisore dhe doganore e vendit tonë, shkruan më tej AP.
Jim Puckett, kreu i BAN, ishte në Durrës kur anija mbërriti dhe u bëri thirrje autoriteteve të bënin një hapje publike dhe marrjen e mostrave të kontejnerëve për të garantuar transparencë. Grupi gjithashtu dëshiron të analizojë mostrat në "laboratorë të ndryshëm paralelisht". Ai u tha gazetarëve se dyshonin se pluhuri toksik i furrës së çelikut ishte mbledhur nga filtrat e kontrollit të ndotjes nga një kompani shqiptare dhe gjithashtu kontrabanduar ilegalisht nga Kosova dhe Gjermania.
“I takon qeverisë shqiptare të gjejë një zgjidhje për eliminimin e tyre,” tha Puckett.
Puckett i tha Associated Press se zyrtarët qeveritarë thanë se zyra e prokurorit në Durrës ka marrë kontrollin e anijes në ankorim dhe se ai mund të lidhet me ta për të marrë mostrat e nevojshme.
"Ne shpresojmë shumë se mbetjet do të mostrohen dhe analizohen siç duhet me palët e treta ... në mënyrë që publiku të mund të besojë në rezultatin," tha një deklaratë e BAN.
Shqipëria po kërkon të integrohet në Bashkimin Evropian dhe qeveria ka qenë e prirur për të përafruar politikën e saj të mbetjeve të rrezikshme me atë të bllokut 27-vendesh, duke ndaluar “eksportin e mbetjeve të rrezikshme, mbetjeve shtëpiake, mbetjeve elektronike dhe mbetjeve plastike në vendet në zhvillim. ” Nuk ka asnjë koment të menjëhershëm nga Ministria e Turizmit dhe Mjedisit, përfundon shkrimin AP.
jim puckett TIRANË- Drejtori ekzekutiv i Rrjetit të Aksionit të Bazelit, Jim Puckett ka folur sërish mbrëmjen e sotme lidhur me mb...
RRUGA E ARBRIT- Në redaksinë e emisionit “Stop” në Tv Klan më 18 tetor 2024 erdhën disa denoncime nga qytetarë...
ELBASAN- Një transgjinor iu drejtuar Fiks Fare pasi nuk po regjistrohej dot në Fakultetin e Drejtësisë. Ka përfunduar stu...
foto ilustruese FIER- Një aksident ka ndodhur mbrëmjen e sotme në aksin rrugor Fier- Libofshë, ku një automje...
Foto ilustruese ITALI- Detaje të reja janë zbardhur në lidhje me vdekjen e 14-vjeçares shqiptare në Itali. Mësohet se n&eum...
Orgel Fusha TIRANË- Familjarët e Orgel Fushas janë alarmua pas një mesazhi që ai u ka dërguar atyre, duke i thën&eu...
foto ilustruese ITALI - Autoritet italiane kanë vazhduar hetimet në lidhje me vdekjen e 14-vjeçares shqiptare e cilla ra nga kati i s...
pamje nga protestat e kaluara TIRANË- Policia e Shtetit ka publikuar planin e masave lidhur me protestën që opozita ka lajmëruar se do ...
pamje nga vendngjarja KAVAJË- Një mjet i tipit “Range Rover” është vjedhur në Kavajë gjatë orëve t&eum...
foto ilustruese LUSHNJE- Një 23 vjeçar është arrestuar në Lushnje, pasi duke drejtuar automjetin në gjendje të dehur k...