Sport

VIDEO/ Ditë e pafat në Maracanã… trajneri goditet dhe pas ndeshjes shkarkohet!

Trajneri goditet me top në fytyrë nga lojtari i ekipit të tij

27 Tetor 2024, 17:00 Nga DOSJA

VIDEO/ Ditë e pafat në Maracanã… trajneri goditet dhe

BRAZIL - Ndodhi në Brazil, më saktë në Maracanã, një ditë e pafat për Jair Venturën. Trajneri i Juventudes u godit me top në fytyrë nga një lojtar i skuadrës së tij. Pas ndeshjes së humbur 4-2 nga Flamengo, ai u shkarkua.

Gjatë pjesës së dytë të ndeshjes Flamengo-Juventude, mbrojtësi Ewerthon në një dyluftim me Michael të Flamengos, pranë vijës së fushës e godet fort topin, i cili shkon drejt e në fytyrën e trajnerit. Pamjet e kapura nga transmetimi televiziv tregojnë se Jair Ventura është goditur, teksa kishte në dorë dhe po shikonte të dhënat teknike të ndeshjes.

Megjithatë, dita e pafat e Jair Venturës ishte ende larg… Pas përfundimit të ndeshjes, të cilën Juventude e humbi 4-2, klubi nga Rio Grande do Sul që është në zonën e rënies, me 34 pikë, në vendin e 17-të, njoftoi shkarkimin e trajnerit.

B.T (Dosja.al)

Sondazh

Poll