Sport

Befason Szczesny!... Pi cigare në dhomën e zhveshjes së Bernabeut pas fitores (video)

FC Barcelona ka publikuar disa imazhe në mediat e klubit, ku shihet se si portieri polak po pi duhan në dhomën e zhveshjes së fushës së Real Madridit.

27 Tetor 2024, 15:01 Nga DOSJA

Befason Szczesny!... Pi cigare në dhomën e zhveshjes së Bernabeut

SPANJE -  FC Barcelona edhe një herë fitoi një ndeshje kundër Real Madridit në stadiumin e saj. Skuadrës së Hansi Flick iu desh të vuante rrethimin e Real Madridit gjatë pjesës së parë pak para një dopiede të Lewandowskit dhe dy golave të tjerë nga Lamine Yamal dhe Raphinha në pjesën e dytë të një fitoreje të thellë (0-4) që i rikonfirmon ata si lider në La Liga.

Një cigare në Bernabeu…

Një fitore që skuadra katalanase e festoi me stil në barin e Santiago Bernabeut, por që ishte vetëm fillimi i festës për mposhtjen e rivalit të përjetshëm. Në fakt, kur ata shkuan në dhomat e zhveshjes gëzimi vazhdoi dhe FC Barcelona shpërndau disa imazhe ku shihej e gjithë skuadra të bashkuar dhe të përqafuar duke festuar se kishin arritur fitoren.

Pikërisht në atë moment, u pa edhe Wojciech Szczęsny në pjesën e pasme të dhomës së zhveshjes, i qetë pas fitores së rëndësishme, duke pirë një cigare, ndërsa shokët e tij pozonin për foton. Portieri polak i Barcelonës ishte në krah të Lamine Yamal, me të cilin shkëmbeu një buzëqeshje, ndërsa ndërkombëtari spanjol qeshte me situatën.

Një imazh i pazakontë...

Ai ka folur për këtë temë në një intervistë në Mundo Deportivo dhe Sport: "Këto janë gjëra që nuk i ndryshoj dot në jetën time personale dhe nuk është punë e askujt, nëse pi duhan. Më prek mua, mendoj se nuk më ndikon. Ajo që bëj në fushën e futbollit është të punoj dy herë më shumë dhe nuk e bëj para fëmijëve, që të mos kenë ndikim të keq tek ata, dhe nuk ua tregoj njerëzve,"- shpjegoi ai me atë rast.

B.T (Dosja.al)

Sondazh

Poll

MË SHUMË