Politike

"Partitë e vjetra funksionojnë si mafia!" Arlind Qori: PD e PL nuk dobësohen nga izolimi i Metës dhe Berishës

Ai shtoi se partitë e vjetra funksionojnë si mafia, drejtohen edhe nga burgu, nëse nuk u bllokohen pasuritë.

25 Tetor 2024, 21:56 Nga M.B
"Partitë e vjetra funksionojnë si mafia!" Arlind Qori: PD e
Arlind Qori

TIRANA- Arlind Qori nga Lëvizja “Bashkë” tha sot se mbetet për t’u parë nëse Prokuroria e Posaçme do të ketë qëllime politike apo vetëm juridike teksa diskutohej rasti i arrestimit të kreut të PL-së Ilir Meta. I ftuar në emisionin “Log” në News24, Qori tha se nuk beson se me izolimin e kreut të Partisë së Lirisë Ilir Meta dhe kreydemokratit Sali Berisha, këto dy parti do të dobësohen. Ai shtoi se partitë e vjetra funksionojnë si mafia, drejtohen edhe nga burgu, nëse nuk u bllokohen pasuritë.

“Duhet të dallojmë qëllimet nga efektet. Nëse SPAK ka apo jo qëllime politike kjo do të shihet. Kjo do të shihet nëse vihen para drejtësisë Rama, Veliaj, dhe oligarkët. Partia e Lirisë apo Partia Demokratike nuk besoj se do të dobësohet nga izolimi i Metës dhe Berishës. Partitë e vjetra veprojnë pak si grupe mafioze. Nëse nuk i bllokohen pasuritë, e drejtojnë edhe nga grupi”, tha Qori.

arlind qori

Sondazh

Poll