Hoxha ka thënë se përgjatë këtyre orëve, deri në orët e para të mëngjesit të sotëm, Ilir Meta është mbajtur në observim, që konsiderohet ndryshe si zona e tranzitimit.
TIRANA- Presidenti i Partisë së Lirisë, Ilir Meta u transportuar drejt burgut 313 pas caktimit të masës "arrest me burg" të caktuar nga GJKKO. Gazetarja Anila Hoxha ka dhënë detaje nga burgosja e Metës dhe çfarë ndodhi përpara se të shkonte në qeli. Hoxha ka thënë se përgjatë këtyre orëve, deri në orët e para të mëngjesit të sotëm, Ilir Meta është mbajtur në observim, që konsiderohet ndryshe si zona e tranzitimit.
Ajo ka shtuar se Meta është dërguar në sektorin B dhe ka përfunduar fazën e observimit. Sipas gazetares, ai është mbajtur në survejim nga psikologët, gjithashtu janë bërë kontrolle mjekësore. Ajo thotë se Meta është vendosur që të qëndrojë i vetëm në qeli. Gjithashtu sipas saj, Meta ka kërkuar ambient për aktivitet sportiv, ka kërkuar dhe ka pyetur punonjësit e 313-ës nëse kishte apo jo palestër ku të merrej me sport.
Pjesë nga fjala e gazetares:
Ilir Meta është transportuar drejt 313-ës, e cila ndodhet fare pranë Prokurorisë së Posaçme, SPAK. Përgjatë këtyre orëve, deri në orët e para të mëngjesit të sotëm, Ilir Meta është mbajtur në observim, që konsiderohet ndryshe si zona e tranzitimit. Siç më bëjnë me dije burime zyrtare nga Drejtoria e Burgjeve, Ilir Meta është dërguar në sektorin B, ka përfunduar fazën e observimit. Ai është mbajtur në survejim nga psikologët, gjithashtu janë bërë kontrolle mjekësore. Pasi ka përfunduar kjo fazë, ka marrë statusin e të paraburgosurit. Këto kontrolle mjekësore bëhen kundrejt çdo shtetasi që mbahet në fazën e observimit, menjëherë që gjykata shpall masën arrest me burg për çfarëdo vepre të mundshme penale.
Më është konfirmuar nga Drejtoria e Përgjithshme e Burgjeve që Ilir Meta është vendosur që të qëndrojë i vetëm në qeli. Siç më bëjnë me dije burime shumë të sigurta, Meta ka kërkuar ambient për aktivitet sportiv, ka kërkuar dhe ka pyetur punonjësit e 313-ës nëse kishte apo jo palestër ku të merrej me sport. Kjo ka qenë kërkesa e tij e parë. Më është konfirmuar që pas vizitave mjekësore që janë rutinë, është konstatuar që Meta nuk vuan nga asnjë problem shëndetësor dhe këto të dhëna janë shkruar në kartelën e tij, sikurse dhe gjendja psikologjike, që psikologët dhe punonjësit e shërbimit social kanë shënuar që gjendja e tij paraqitet e qetë.
Ditën e djeshme, institucionet e burgjeve, në qelinë që e kanë akomoduar në sektorin B, i kanë instaluar gjithashtu dhe një televizor, ndërsa janë pranuar veshje nga jashtë, të cilat i kanë sjellë anëtarë të familjes së tij. Gjithashtu janë pranuar dhe produkte ushqimore.
Selia e PD TIRANA- Pasditen e sotme krerët e qarqeve të Partisë Demokratike u mblodhën në selinë blu ku në fokus t&...
Sali Berisha TIRANË- Kreu i Partisë Demokratike Sali Berisha i ka bërë thirrje qytetarëve që në datë 29 tetor t&rs...
Sali Berisha TIRANË- Kreu i Partisë Demokratike Sali Berisha i ka bërë thirrje ish-ministrit të Mjedisit Lefter Koka, që t&eu...
Edi Rama TIRANA- Arrestimi i Presidentit të Partisë së Lirisë, Ilir Meta, vijon të marrë vëmendje në mediat nd...
Sali Berisha TIRANË- Kreu i Partisë Demokratike, Sali Berisha i bëri thirrje Monika Kryemadhit, të tregojë të gjitha in...
Sali Berisha TIRANË- Kreu i Partisë Demokratike, Sali Berisha gjatë fjalimit tij mbrëmjen e sotme u shpreh se kryebashkiaku i Tiran&eu...
Plarent Ndreca TIRANA- Prokuroria e Posaçme e Shqipërisë njoftoi të premten se ka ngritur aktakuzë kundër deputetit të...
pensionistët TIRANË- Lëvizja Bashkë ka vendosur që zhvillojë një protestë të dytë me pensionist&eum...
Plarent Ndreca TIRANA- Në Shqipëri, deputeti socialist Plarent Ndreca u mor sot i pandehur nga Prokuroria e posaçme. Avokatit të tij,...
Selia e PD TIRANA- Kryetarët e degëve të Partisë Demokratike janë mbledhur në selinë blu. Mësohet se në f...