Sport

Ish-ndërkombëtari kilian Jorge Valdivia arrestohet me akuzën për përdhunim...

Ish-mesfushori sulmues i Palmeiras, Jorge Valdivia, u vendos në paraburgim të martën. Kiliani, tani 41 vjeç, është subjekt i një ankese për përdhunim.

23 Tetor 2024, 10:21 Nga DOSJA

Ish-ndërkombëtari kilian Jorge Valdivia arrestohet me akuzën

KILI - Ish-ndërkombëtari kilian Jorge Valdivia u vendos në paraburgim të marten, pas një akuze për përdhunim ndaj tij. “Duke pasur parasysh seriozitetin e fakteve, dënimin e shkaktuar dhe pasojat e rënda të këtij krimi për viktimën”, gjyqtari Ely Rothfeld vendosi një paraburgim të përkohshëm 90-ditor dhe urdhëroi transferimin e ish-lojtarit në një burg në Rancagua, 80 km në jug të kryeqytetit Santiago.

I arrestuar mëngjesin e së martës, pak pas depozitimit të ankesës, ish-mesfushori sulmues i Palmeiras (Brazil) dhe Colo Colo, 41 vjeç dhe tani një komentator sportiv radiofonik, përballet me pesëmbëdhjetë vjet burg, nëse shpallet fajtor.

Valdivia në një deklaratë mohoi çdo “sulm seksual” dhe pretendoi se kishte pasur një marrëdhënie “konsensuale” me ankuesen, me të cilin kishte darkuar të dielën në mbrëmje në një restorant.

Sipas ankesës së publikuar nga mediat lokale, viktima e supozuar është zgjuar në shtëpi pa kujtuar se çfarë ka ndodhur dhe duke treguar shenja sulmi seksual. Ish-ndërkombëtari, i pensionuar që nga viti 2022, ishte pjesë e kombëtares së Kilit (më shumë se 70 ndeshje) që fitoi Kupën e Amerikës në 2015 dhe luajti në dy Kupa Botërore, në 2010 dhe 2014.

B.T (Dosja.al)