Politike

“Është pak të thuash rrëmbim”/ Erisa Xhixho: Arrestimi Metës i paligjshëm, një polici që rrethon deputetët, e pabesueshme

Ajo u shpreh se të godasësh dhe të prekësh një zyrtar politikan, lider të opozitës, është turp dhe një ngjarje të rëndë.

22 Tetor 2024, 21:50 Nga E. D
“Është pak të thuash rrëmbim”/ Erisa Xhixho:
Erisa Xhixho

TIRANË- Zëvendës presidentja e Partisë së Lirisë, Erisa Xhixho, duke komentuar arrestimin e ish-Presidentit të Republikës, Ilir Meta, tha se kemi të bëjmë me një rrëmbim dhe jo me arrestim.  Xhixho në studion e emisionit ‘Open’ tha se pamjet ishin çnjerëzore, aq më tepër kur flasim për një ish-president që nuk i është shmangur asnjëherë institucioneve të drejtësisë.  Ajo u shpreh se të godasësh dhe të prekësh një zyrtar politikan, lider të opozitës, është turp dhe një ngjarje të rëndë.

"Po ndiqja me vëmendje argumentet e specialistëve të drejtësisë, dhe padyshim që është pak të thuash është një rrëmbim. Mjafton të shohësh kamerat, sesi është trajtuar në mënyrë çnjerëzore. Është akoma më e rëndë kur flasim për një ish-president që nuk i është shmangur asnjëherë institucioneve të drejtësisë, deri në heqjen e imunitetit në karrierën e tij politike. Ato pamjet çnjerëzore, të tërheqësh zvarrë një person që nuk përbën rrezik publik dhe Artemisi (Artemis Peca, sekretari organizativ i PL), dëshmitar okular, ka treguar shkeljet e parashtruara Jam tronditur se 20 veta në mes të rrugës, për të bërë një shoë, që në kohë reale u publikuan videon, një ngjarje e inskenuar, me mesazh të qartë; kush denoncon, kush është opozitar, kush flet kundër kësaj qeverie, përfundon në këtë gjende. O në burg o në arrest. Ky është mesazhi që jep kjo qeveri në këtë moment. Të godasësh dhe të prekësh një zyrtar politikan, lider të opozitës, është turp dhe një ngjarje të rëndë”, tha Xhixho.

erisa xhixho

Sondazh

Poll

MË SHUMË