Sport

Legjenda Baresi pozicionohet: “Theo është i madh, e meriton shiritin e kapitenit”...

Ish-kapiteni dhe zv.presidenti i nderit ttë kuqezinjve në prag të Bruges: “Duhet të marrim pike, pasi dy të parët shkuan keq”

21 Tetor 2024, 20:28 Nga DOSJA
Legjenda Baresi pozicionohet: “Theo është i madh, e meriton

ITALI - "Fonseca është trajneri ynë, ai duhet të bëjë të ndihet personaliteti i tij, besimet e tij dhe skuadra po përgjigjet." Kështu u shpreh zv.presidenti i nderit të Milanit, Franco Baresi, në mjediset e prezantimit të projektit 'In Gioco per il Futuro'.

“Trajneri ndoshta dëshiron të stimulojë një lojtar apo grup, është zgjedhja e tij dhe duhet respektuar,- u shpreh ai në lidhje me menaxhimin e shiritit të kapitenit, i cili gjithmonë vendoset në krahun e një lojtari tjetër.

Theo Hernandez është një lojtar i madh dhe ka cilësi të shkëlqyera, unë jam për të. Ai ka qenë me ne për 6 vjet dhe e meriton ta mbajë shiritin në krah." Dhe përsëri: “Kur je në skuadrën e Milanit, duhet të jesh gjithmonë i disponueshëm për të luajtur dhe për të dhënë më të mirën për ekipin”.

“Nesër është një ndeshje e mirë dhe e rëndësishme, sepse duhet të shënojmë pikë, pasi dy të parat shkuan keq, shpresojmë të gjejmë vazhdimësi,- deklaroi ai duke folur për ndeshjen e Champions League kundër Bruges, të planifikuar për nesër në San Siro në orën 18:45. - Këtë vit, kam kujtuar se kanë kaluar 50 vjet që kur erdha te Milan në '74, ata kanë fluturuar, kanë qenë vite të bukura dhe intensive”.

"Çfarë i mungon Milanit në Evropë? Vazhdimësia është thelbësore në futboll, performanca të ndihmon të kesh besim dhe vlerësim, arritja e rezultateve ndihmon lojtarët, mjedisin, ekipin dhe transmeton entuziazëm. Milani si kampion? Nëse janë mire, ata kanë cilësi të rëndësishme dhe të gjithë së bashku, mund të bëjmë mirë”, përfundon Baresi.

B.T (Dosja.al)

Sondazh

Poll

MË SHUMË