Sport

REKORDI/ Leo Messi, golashënuesi i dytë më i mirë në historinë e golave me kombëtaren… Cristiano Ronaldo para tij

Me “hat-trick”-un e tij të shënuar kundër Bolivisë (6-0), natën e së martës ndaj të mërkurës, sulmuesi argjentinas Lionel Messi tani ka shënuar 112 gola me kombëtaren e tij. “Pleshti” është golashënuesi i dytë më i mirë në kombëtare, pas Cristiano Ronaldos (133 gola).

16 Tetor 2024, 13:00 Nga DOSJA

REKORDI/ Leo Messi, golashënuesi i dytë më i mirë në

ARGJENTINE - Në të gdhirë të mërkurë, kapiteni i Argjentinës, Lionel Messi shënoi një “hat-trick” kundër Bolivisë (6-0), përveç që dha dy asistime për Lautaro Martinez dhe Exequiel Palacios.

Me këtë “hat-trick”, “Pleshti” ka shënuar tashmë 112 gola për kombëtaren, pas 189 ndeshjeve me fanelën e Albiceleste që nga viti 2005, gjë që e lejon atë të bëhet, i vetëm, golashënuesi i dytë më i mirë në historinë e ekipeve kombëtare.

Ai është përpara ish-sulmuesit iranian Ali Daei, i cili shënoi 109 herë në 148 ndeshje me Iranin ndërmjet viteve 1993 dhe 2006. Lavdia e dikurshme e FC Barcelona është gjithashtu 21 gola pas Cristiano Ronaldos (133 gola në 216 ndeshje), i heshtur me Portugalinë në Skoci (0-0) disa orë më parë. Luzitani do të jetë i vështirë për t'u kapur.

B.T (Dosja.al)

Sondazh

Poll

MË SHUMË