Sport

Personaliteti dhe përvoja, është koha e Hummels për te Roma

Gjermani, së bashku me Hermoso, janë gati të hyjnë në planet e Juric

16 Tetor 2024, 10:00 Nga DOSJA

Personaliteti dhe përvoja, është koha e Hummels për te Roma

ITALI - Problemet e Romës sigurisht që nuk gjenden në mbrojtje, edhe nëse vetëm pesë golat e pësuar në shtatë ndeshjet e fundit, i kanë kushtuar pothuajse të gjithë shtrenjtë: dy pikë në Genoa, dy me Athletic Bilbao, tre në Elfsborg, dy në Monza.

Një pjesë e mirë e personalitetit shtesë në momentet kyçe mund të jetë vetëm e dobishme: në këtë kuptim hyrja e afërt e Mats Hummels në skuadër mund të sjellë vetëm përfitime. I njëjti lojtar e ka thënë qartë se ai është gati të fillojë nëse jo kundër Interit, atëherë sigurisht kundër Dynamo Kievit me shpresën.

Ai ka pritur gjatë për shansin e tij, të bëjë përshtypje deri në pikën sa të vihet në dyshim paprekshmëria e të paktën një anëtari të treshes titullare Mancini, Ndicka, Angelinho, duke qenë se Hermoso, kundër Bilbaos dhe Elfsborg, nuk ishte në gjendje të vidhte vëmendjen dhe të largonte Angelinhon nga roli i krahut të majtë, pavarësisht karakteristikave të ndryshme të dy lojtarëve. 

Ndeshja e fundit e luajtur nga Hummels daton qershorin e kaluar, kur 35-vjeçari ishte protagonist me fanelën e Borussia Dortmundit në finalen e Champions League kundër Real Madridit. Pastaj asgjë më shumë, në verë si lojtar i lirë, marrëveshja me Romën dhe një muaj të plotë stërvitje për të gjetur formën më të mirë për t'u paraqitur sa më mirë në një kampionat shumë taktik.

Futbolli italian është stimulues, veçanërisht për një mbrojtës të nivelit më të lartë si Hummels, i cili në fund të karrierës së tij, zgjodhi të rikthehet në lojë për të fituar një tjetër sfidë të madhe edhe në Itali.

B.T (Dosja.al)

Sondazh

Poll

MË SHUMË