Sport

Lukaku pa Belgjikën, por me ëndrrën për Scudetton: "Ishte më e rëndësishme të qëndroja me ekipin tim, në Napoli!”

Sulmuesi shpjegon arsyen e mungesës së tij te “Djajtë e Kuq” dhe flet për rëndësinë e rikthimit të Antonio Contes në stol.

11 Tetor 2024, 11:33 Nga DOSJA

Lukaku pa Belgjikën, por me ëndrrën për Scudetton:

ITALI - Romelu Lukaku dhe Napoli tani duken e njëjta gjë, dhe ndoshta kjo ishte e pritshme: trajneri Antonio Conte e donte fort atë në skuadër dhe ‘Big Rom’ mezi priste të kthehej nën drejtimin e tij.

Në thirrjen e fundit të Belgjikës, me rastin e ndeshjeve të Nations League kundër Italisë (2-2) dhe Francës (e hënë, 14 tetor), ish-sulmuesi i Romës dhe Interit, nuk figuroi në listën e trajnerit Domenico Tedesco. 

Kjo nuk ka asnjë lloj zgjedhjeje teknike, apo problemi fizik, por një dëshirë e qartë e Lukakut për të qëndruar në Napoli për të vazhduar stërvitjen dhe për të rifituar plotësisht formën e tij: "Qëndrimi me ekipin tim ishte më i rëndësishëm për mua, zgjodha të punoja,"- ka thënë belgu.

Pasi mbërriti në Itali relativisht vonë dhe pas një periudhe në të cilën praktikisht u stërvit veçmas në shtëpi te Chelsea, pra i vetëm, ‘Big Rom’ nuk është ende në potencialin e tij të plotë dhe dëshiron të kthehet së shpejti. 

Një arsye shtesë është sigurisht prania e Antonio Contes. Ka një lidhje të madhe profesionale dhe respekt të ndërsjellë mes të dyve: "Prania e tij ishte shumë e rëndësishme, të gjithë e dinë marrëdhënien që kam me të. Ai e njeh të kaluarën time, familjen time, kjo bën një ndryshim të madh", tha ai. 

Lukaku pa Belgjikën, por me ëndrrën për Scudetton:

Belgu deri më tani ka luajtur pesë ndeshje në Serinë A, duke shënuar tashmë tre gola dhe gjithashtu ka dhënë katër asistime. Napoletanët aktualisht janë në krye të renditjes, por në intervistën dhënë Tg1, Lukaku nuk dëshiron të nxitohet:

“Duhet të jemi shumë të qetë sepse jemi në fillim të rrugëtimit”. I pyetur për trofeun më të mirë që ka fituar, ai është përgjigjur: “Ai që do të vijë”. Ndoshta do të jetë Scudetto me Napolin? 

B.T (Dosja.al)

Sondazh

Poll

Sport 11 Tetor 2024, 11:08

Gjendet makina e vjedhur e Politanos

ITALI - Është gjetur nga policia makina e vjedhur e sulmuesit të Napolit, Matteo Politano. Makina u gjurmua në një...

MË SHUMË