Sport

VIDEO/ Venezuela ndal Argjentinën, në një fushë që i ngjante “pishinës”…

Sulmuesi venezuelian Rondon shënoi golin e barazimit me kokë (1-1) në një ndeshje të lënë në hije nga shiu. Otamendi kishte shënuar më parë për Argjentinën

11 Tetor 2024, 07:30 Nga DOSJA

VIDEO/ Venezuela ndal Argjentinën, në një fushë që i

VENEZUELE - Argjentina nuk shkoi përtej një barazimi ndaj Venezuelës, pas një goditjeje me kokë të Rondón-it, e cila ishte e zbehte për shpresat e skuadrës Albiceleste, në një ndeshje kualifikuese për Kupën e Botës 2026.

Një gol i hershëm nga  Otamendi rriti shpresat e argjentinasve për të mbetur lider, por goli i sulmuesit venezuelian e çmendi Maturín Monumentalin me barazimin (1-1).

Fusha e lojës dha atë që dha. Kushtet në të cilat filloi ndeshja nuk ishin optimale për një ndeshje të një kalibri të tillë. 45 minutat e para ishin të mbushura me përplasje mes lojtarëve, për shkak të gjendjes së fushës, e cila i ngjante një “pishine”. Topi nuk po rrotullohej, gjë që çoi në një lojë shumë të ngadaltë .

Pavarësisht kësaj, Argjentina humbi mundësinë për të fituar. Albicelestët shkuan në sulm në kërkim të rezultatit. Në minutën e 13-të, Otamendi kaloi në avantazh kampionët aktualë të Botës, pas një faulli të ekzekutuar nga Messi, të cilën fillimisht portieri Romo e largoi, por qendërmbrojtësi argjentinas i harruar, godet edhe e kalon skuadrën e tij në avantazh.

Pjesa e dytë u përmirësua për sa i përket dinamikës së lojës. Venezuela shtoi presionin në kërkim të një barazimi dhe Argjentina nuk u tërhoq. Një shans i Soteldos pak minuta pas fillimit i vuri flakën Monumentit të Maturín. Menjëherë më pas, një goditje me kokë nga Yangel Herrera bëri që portiere argjentinas Rulli të shkëlqejë, duke prodhuar një dorë të mrekullueshme.

VIDEO/ Venezuela ndal Argjentinën, në një fushë që i

Venezuela përndiqte zonën e skuadrës Albiceleste me forcë në rritje. Dëshmi për këtë ishte edhe barazimi. Një Sotelo i pangopur, vendosi në qendër Salomón Rondón për të barazuar rezultatin në minutën e 65-të. Sulmuesi venezuelian i çmendi tribunat e Monumental de Maturín me një goditje me kokë të pamundur për t’u arritur nga Rulli.

Ndeshje shumë e pakontrolluar pas barazimit. Të dyja skuadrat shkuan për fitore. Një aksion një kundër një me Messin, shpëtohet nga Romo dhe pengoi Argjentinën të kalonte sërish në epërsi.

Skuadra e Scalonit (19 pikë) lë dy pikë jetike ndaj Venezuelës në një lojë shumë gri për Messin, e cila po ndiqet nga afër prej Kolumbisë (16).

B.T (Dosja.al)

Sondazh

Poll

MË SHUMË