Politike

Protesta e opozitës/ Vokshi: Molotovi më e pakta ndaj atyre që kanë shkelur Kushtetutën, ishte revoltë qytetare

Gjithash Vokshi tha se policia mbrojti një foto të Edi Ramës që po digjej, ndërkohë që nuk mbronte qytetarët

8 Tetor 2024, 21:27 Nga E. D
Protesta e opozitës/ Vokshi: Molotovi më e pakta ndaj atyre që
Albana Vokshi

TIRANË- Deputetja demokrate Albana Vokshi tha se protesta shprehu revoltën e qytetarëve, ndërsa theksoi se nga molotovët nuk pati asnjë dëmtim. Vokshi e ftuar në emisionin “Open” në News24 u shpreh se qytetari që u plagos, Emiri u dëmtua nga molotovi që hodhi policia në drejtim të qytetarëve. Gjithash Vokshi tha se policia mbrojti një foto të Edi Ramës që po digjej, ndërkohë që nuk mbronte qytetarët

“Ministri i Brendshëm tha se është ushtruar dhunë ndaj institucioneve dhe Partisë Socialiste. Pra kemi një parti-shtet. Ai qytetari që u plagos, z. Emiri u dëmtua nga molotovi që hodhi policia në drejtim të qytetarëve. Ne pa u afruar te Parlamenti u hodh gaz, pa pasur asnjë shkak. Ne u sulmuam me gaz, ndërsa po afroheshim te Parlamenti.

Policia ka hedhur gaz në mënyrë jo proporcionale. Nuk pati asnjë akt dhune, molotovët u hodhën në dyert e blinduara të Kryeministrisë, çfarë ndodhi? Pati dëme? Asnjë dëm. Molotovi ishte më e pakta që mund të ndodhte ndaj atyre që ka grisur dhe shkelur Kushtetutën. Policia mbrojti një foto të Edi Ramës që po digjej, ndërkohë që nuk mbronte qytetarët”, tha Vokshi.

albana vokshi

Sondazh

Poll

MË SHUMË