Sport

Zbulohet tani!... Kounde ishte në pankinë kundër Alaves: ndëshkohet nga Flick për disa minuta vonesë

Flick: “Askush nuk është imun, madje as një nga lojtarët më të rëndësishëm në skuadër”.

8 Tetor 2024, 08:00 Nga DOSJA

Zbulohet tani!... Kounde ishte në pankinë kundër Alaves:

SPANJE - Nuk kishte humbur asnjë sekondë... deri të shtunën. Jules Koundé ishte një titullar i padiskutueshëm për Barcelonën: Hansi Flick e kishte titullar mbrojtësin francez në dhjetë ndeshjet e para zyrtare të skuadrës katalanase këtë sezon dhe nuk i dha atij as një moment pushim.

Për këtë shkak ka bërë bujë mungesa e ish-lojtarit të Sevillas në ndeshjen ndaj Alaves. Koundé e nisi ndeshjen nga stoli dhe luajti vetëm 23 minuta, ndërsa vendin e tij e zuri Hector Fort.

Në fund të ndeshjes u zbulua arsyeja e kësaj zgjedhjeje: trajneri gjerman nuk donte t'i kursente energjitë mbrojtësit të tij para pushimit ndërkombëtar, por vendosi një sanksion disiplinor ndaj tij.

Sipas informacioneve të raportuara nga Sport, Koundé u ndëshkua pasi mbërriti me vonesë në takimin para ndeshjes.

Trajneri i Barcelonës kishte paralajmëruar tashmë grupin e tij në disa raste për mungesë disipline dhe probleme të përpikmërisë. Askush nuk është imun, madje as një nga lojtarët më të rëndësishëm në skuadër.

B.T (Dosja.al)

Sondazh

Poll

MË SHUMË