Sport

Homazh i Joan Laportas: "Me Neeskens dhe Cruyff nisi modernizimi i Barçës!"...

“Ai dha gjithçka dhe arriti në zemrat e tifozëve. Ai ishte shumë përfaqësues i ndjenjës së Barcelonës”.

8 Tetor 2024, 07:30 Nga DOSJA

Homazh i Joan Laportas: "Me Neeskens dhe Cruyff nisi modernizimi i

SPANJE - Presidenti i Barcelonës, Joan Laporta, ka nderuar Johan Neeskens, i cili u nda nga jeta sot, papritur, në moshën 73-vjeçare. Laporta bëri një homazh historik emocionues për të vlerësuar figurën e ish-lojtarit dhe trajnerit ikonik të Blaugranas:

"Jemi të shokuar nga humbja e një prej lojtarëve të mëdhenj të viteve '70, i cili fitoi zemrat e tifozëve të Barçës. Ai luajti në atë skuadër me Johan Cruyff, ata kishin dy familje shumë të ngushta. Ata revolucionarizuan Barçën e viteve ‘70 dhe bashkë me to hymë në modernitet”.

Për Laportan: "Johan Neeskens na mësoi të hidheshim në tokë për të rikuperuar topin. Ai luajti me ato flokë të gjata biond që e bënin të dallueshëm. Ai dha gjithçka dhe arriti në zemrat e tifozëve. Ai ishte shumë përfaqësues i ndjenjës së Barcelonës.

Unë isha me fat dhe privilegjin ta kisha atë si ndihmës trajner gjatë kohës së Frank Rijkaard. Përveçse ishte një lojtar i madh dhe një trajner i madh, ai luajti për “Portokallinjtë” (skuadrën kombëtare holandeze), gjë që i bëri të gjithë tifozët e futbollit të bien në dashuri me të”.

"Si person ai ishte shumë i dashuruar, një ‘balerin’ i madh... Një person i jashtëzakonshëm që i pëlqente të shijonte jetën, - vazhdoi Laporta. - Ne duam të jemi në krah të familjes në këtë moment dhimbjeje.

Le ta dinë se i gjithë ‘Barcelonismo’ po i mbështet, sepse Johani është në zemrat e të gjithë fansave, jam i sigurt se kudo që të jetë do të mbetet një person i jashtëzakonshëm dhe do të ribashkohet me miqtë e tij”.

B.T (Dosja.al)