Bota

VIDEO/ Tre muaj më parë i shpëtoi atentatit, Trump rikthehet në Pensilvani! Elon Musk mban premtimin, shfaqet krah kandidatit: Ai duhet të fitojë për të ruajtur demokracinë

 Në një moment, ish-presidenti mirëpriti në skenë pronarin e platformës 'X', 'SpaceX' dhe 'Tesla', Elon Musk, i cili dha mesazhin e tij për aksionet e zgjedhjeve.

6 Tetor 2024, 07:22 Nga M.B
VIDEO/ Tre muaj më parë i shpëtoi atentatit, Trump rikthehet
Elon Musk dhe Donald Trump

SHBA-Kandidati republikan për presidencialet në SHBA, Donald Trump u kthye në Butler Farm Show në Pensilvani të shtunën për të përfunduar tubimin që u ndërpre 12 javë më parë. Atë kohë Trump u qëllua në vesh nga Thomas Crooks, i cili dyshohet se tentoi ta vriste atë duke hapur zjarr nga maja e një ndërtese aty pranë. Në një moment, ish-presidenti mirëpriti në skenë pronarin e platformës 'X', 'SpaceX' dhe 'Tesla', Elon Musk, i cili dha mesazhin e tij për aksionet e zgjedhjeve.

“Presidenti Trump duhet të fitojë për të ruajtur Kushtetutën. Ai duhet të fitojë për të ruajtur demokracinë në Amerikë”, theksoi Musk, duke veshur një kapelë “MAGA të errët” dhe duke iu lutur të pranishmëve të votojnë.

“Një falënderim shumë i madh për Pensilvaninë. Ne e duam Pensilvaninë”, tha Trump me duartrokitje të forta ndërsa qëndronte përballë xhamit antiplumb në vendin ku u qëllua gati tre muaj më parë.

“Sonte, kthehem te Butler për të dhënë një mesazh të thjeshtë për popullin e Pensilvanisë dhe popullin e Amerikës. Lëvizja jonë për ta bërë Amerikën përsëri të madhe është më e fortë, më krenare, më e bashkuar, më e vendosur dhe më afër fitores se kurrë më parë”, tha ai.

shba

Sondazh

Poll

MË SHUMË