Sport

Shkalla e dëmtimit të Harry Kane tani dihet, Bayern merr frymë i lehtësuar…

Klubi bavarez ka bërë një deklaratë lidhur me këtë

29 Shtator 2024, 15:00 Nga DOSJA

Shkalla e dëmtimit të Harry Kane tani dihet, Bayern merr frymë i

GJERMANI - Dëmtimi i kyçit të këmbës së majtë të yllit të Bayern Munichut, Harry Kane, nuk është aq serioz sa mendohej fillimisht, raportoi klubi i Bundesligës.

“Ekzaminimet e kryera nga njësia mjekësore e klubit të dielën përcaktuan një evolucion pozitiv”,- tha klubi bavarez.

"Kane do të vazhdojë të marrë trajtimin e duhur”. Klubi nuk tha nëse Kane do të jetë i aftë për vizitën e Bayernit te Aston Villa në Champions League të mërkurën.

Sulmuesi 31-vjeçar çaloi jashtë fushës në fund të barazimit 1-1 të Bayernit me Bayer Leverkusen në Bundesligë të shtunën, pasi goditi në kyçin e këmbës në një luftë për topin me Amine Adli të Leverkusenit.

Kane nuk pati një goditje në portë kundër Leverkusenit, por ka qenë i rëndësishëm në sulmin e Bayernit sërish këtë sezon. 

Ai shënoi pesë gola dhe dha gjashtë asistime në katër ndeshjet e para të Bundesligës, si dhe shënoi katër gola në fitoren 9-2 ndaj Dinamo Zagrebit në ndeshjen e parë të klubit në Champions League. Ai gjithashtu shënoi në ndeshjen e parë të Bayernit në Kupën e Gjermanisë.

B.T (Dosja.al)

Sondazh

Poll

MË SHUMË