Bota

I fundit u vra sot/ Izraeli publikon emrat e komandantëve të Hezbollah që janë eliminuar

Grupi Hezbollah konfirmoi njoftimin për vrasjen në një deklaratë në të cilën thuhet se Hassan Nasrallahu u është bashkuar bashkëluftëtarëve të tij dëshmorë. 

28 Shtator 2024, 16:39 Nga E. D
I fundit u vra sot/ Izraeli publikon emrat e komandantëve të Hezbollah
Hassan Nasrallah

IZRAEL- Izraeli tha të shtunën se ka vrarë udhëheqësin e Hezbollahut Hassan Nasrallah, duke i dhënë goditjen më të rëndë grupit militant libanez, pas disa muajsh luftimesh. Grupi Hezbollah konfirmoi njoftimin për vrasjen në një deklaratë në të cilën thuhet se Hassan Nasrallahu u është bashkuar bashkëluftëtarëve të tij dëshmorë. 

Hassan Nasrallahu udhëhoqi grupin militant për më shumë se tre dekada. Ushtria izraelite tha se disa komandantë të lartë të Hezbollahut u vranë së bashku me Hassan Nasrallahun në një sulm të fuqishëm ajror të premten. Ushtria tha se kreu një sulm ajror preciz ndërsa udhëheqja e Hezbollahut po zhvillonte një takim në selinë e saj në Dahiyeh, në jug të Bejrutit.

Gjithashtu ushtria izraelite ka publikuar edhe një listë të komandantëve të lartë të Hezbollahut, që ka eliminuar. Mes të eliminuarve është oficeri i lartë, Ibrahim Qubaisi. Një tjetër emër që bie në sy është edhe Ibrahim Aqil, një tjetër komandant i lartë i grupit të Hezbollahut.

Lista e komandantëve të Hezbollahut, të ekzekutuar nga Izraeli:

Hassan Nassrallah, lideri i Hezbollahut

Ibrahim Muhammad Qabisi, oficer i lartë

Ibrahim Aqil, komandant i lartë

Fuad Shukr, lider grupi

Ali Karaki, komandant i frontit jugor

Uissam al-Tauil, komandant

Abu Hassan Samir, komandant

Muhammad Hussein Srour, komandant i Forcave Ajrore të Hezbollahut

Sami Taleb Abdullah, komandant i njësisit ushtarak “Nasser”

Mohammed Nasser, komandant i njësitit ushtarak “Aziz”

Abu Ali Rida, komandant i njësitit ushtarak “Bader”. 

hassan nasrallah

Sondazh

Poll

MË SHUMË