Sport

Polemika në Argjentinë: FIFA i mohon Bocas 2 tituj të Kupës Ndërkontinentale...

Edicionet nga viti 2000 deri në 2004 janë eliminuar, dhe për rrjedhojë u anuluan edhe dy fitore për Boca (2000 dhe 2003), një për Bayernin (2001), një për Real Madrid (2002) dhe një për Porto (2004). Vlen të kujtojmë se në atë periudhë FIFA ishte në konflikt me UEFA-n, e cila së bashku me CONMEBOL organizuan Interkontinentalen e vjetër.

26 Shtator 2024, 09:00 Nga DOSJA

Polemika në Argjentinë: FIFA i mohon Bocas 2 tituj të Kupës

ZVICER - Pak ditë më parë, FIFA prezantoi edicionin e Kupës Ndërkontinentale të vitit 2024, e cila do të zhvillohet me një format shumë të ngjashëm me atë të Botërorit të fundit për Klube.

Eshtë publikuar edhe lista e fituesve të nderit; çuditërisht, edicionet nga viti 2000 deri në 2004 janë eliminuar, dhe për rrjedhojë u anuluan edhe dy fitore për Boca (2000 dhe 2003), një për Bayernin (2001), një për Real Madrid (2002) dhe një për Porto (2004).

Vlen të kujtojmë se në atë periudhë FIFA ishte në konflikt me UEFA-n, e cila së bashku me CONMEBOL organizuan Interkontinentalen e vjetër. Për këtë, paralelisht me atë trofe, u prezantua edhe Kampionati Botëror i FIFA-s për klube, i cili në fund u luajt vetëm në vitin 2000: Corinthians fitoi, duke u paraqitur në listën e nderit në vend të Boca-s. Një ngjarje që po ngjall shumë polemika në Argjentinë.

Ja çfarë raportohet në faqen zyrtare të FIFA-s: “Që nga fillimi i tij në vitin 2000, si Kampionatin Botëror të Klubeve FIFA, Kupa Ndërkontinentale FIFA ka evoluar për t'u bërë turneu kryesor vjetor në botë i futbollit për klube, me fituesit e finales të cilëve u jepet titulli i kampionëve të botës për vitin kalendarik në vijim.

Edicioni i parë i Kampionatit Botëror të atëhershëm FIFA për klube u zhvillua në Brazil dhe pa pjesëmarrjen e tetë skuadrave nga gjashtë konfederata. Turneu u zhvillua paralelisht me Kupën Ndërkontinentale, e cila ishte konkurruar nga kampionët e CONMEBOL dhe UEFA që nga viti 1960.

Në tetor 2017, Këshilli i FIFA-s miratoi një mocion, që njihte si kampione të botës për klube të gjitha skuadrat evropiane dhe të Amerikës së Jugut që fituan Kupën Ndërkontinentale, të mbajtur midis viteve 1960 dhe 2004.

Pas një pushimi midis 2001 dhe 2004, gjatë së cilës gara ishte joaktive, u kthye në 2005 si Kupa e Botës për Klube FIFA dhe vazhdoi të rritet në shtrirje, rëndësi dhe reputacion, ndërsa elitat nga çdo kontinent konkurruan në skenën botërore.

Në vitin 2024, turneu hyri në një fazë të re të evolucionit me themelimin e Kupës Ndërkontinentale FIFA, e cila u jep fituesve të secilës prej gjashtë konfederatave mundësinë për të garuar çdo vit në skenën botërore.

B.T (Dosja.al)