Sport

Shansi Espanyol për t'u afruar me Barçën, Ancelotti: "Nuk është koha për të menduar për kundërshtarët"

"Ne nuk jemi në më të mirën tonë dhe kjo është normale”

21 Shtator 2024, 10:00 Nga DOSJA

Shansi Espanyol për t'u afruar me Barçën, Ancelotti:

SPANJE - Në konferencën për shtyp në prag të ndeshjes kundër Espanyolit, ka folur Carlo Ancelotti, trajneri i Merenges, i cili e ka nisur bisedën me një tjetër temë shumë delikate e këtyre ditëve: mundësinë që lojtarët të hyjnë në grevë për shkak të kalendarit të ngarkuar dhe të çmendur të këtij sezoni.

"Lojtarët po mendojnë të ndryshojnë të ardhmen e futbollit," filloi Ancelotti. "E rëndësishme është të reflektohet për këtë. Që organet, UEFA, FIFA, të kuptojnë se lojtarët janë të lodhur”.

Vazhdoi te angazhimi ndaj Espanyol: "Çfarë dua unë? Një Madrid që po përmirësohet, që po bën përparim, që duket se po hyn në një dinamikë të mirë." 

Për mundësinë për të bërë rotacione, pas ndeshjes së Champions League: “Të shtunën mund të jetë një ditë e mirë, por sot nuk është koha për ta thënë."

Në fushë me katër mesfushorë të pastër? “Është e vështirë të thuhet, por ekuilibri është një gjë kolektive që mund të bëhet me dy sulmues, ose me tre. Të kesh një mesfushor shtesë nuk do të thotë të kesh më shumë ekuilibër në skuadër, mund të bëhet edhe me tre ose katër mesfushorë. Tani debati mund të jetë: ku do të luajë Bellingham”.

Finalja për Kupën e Botës midis Klube dhe Kupën Ndërkontinentale: "Nuk është ende e qartë. Ne luajmë atë që na kërkohet të luajmë. Nuk jemi të fokusuar në këtë. Jemi të freskët nga Champions League dhe tani kemi La Ligan. Deri në dhjetor kemi shumë për të menduar”.

Një ditë e mirë për t'iu afruar Barcelonës: "Përveç kalendarit, ajo që është e favorshme është të luash mirë dhe të arrish mirë të martën. Duke parë që skuadra po përmirësohet, se ka një dinamikë të mirë... Kjo është pozitive. Pas kësaj, sezoni është shumë i gjatë. Nuk është koha për të menduar për kundërshtarët”. 

Në lidhje me formën fizike të grupit: "Ne nuk jemi në më të mirën tonë dhe kjo është normale. Ne do të përmirësohemi kur të fillojë sezoni për të hyrë në thelbin e gjërave të rëndësishme. Për momentin jemi mirë."

Mbappé, Vinicius, Rodrygo dhe Bellingham të gjithë së bashku në fushë mund të prishin ekuilibrin e ekipit: "Objektivi i ekipit është të jetë kompakt. Nëse Vinicius, Kylian dhe Rodrygo shtypin dhe mesfushorët nuk avancojnë, nuk është problem për Vinicius dhe Mbappé. Për të qenë kompaktë, ne duhet t'i afrojmë linjat. Nëse dua të mbroj, nuk i vendos ata, por për fat të keq ka një punë me dhe pa top dhe ne duhet të gjejmë një ekuilibër”.

B.T (Dosja.al)

Sondazh

Poll

MË SHUMË