Politike

Gjyqi ndaj Salianjit/ Apeli e jep vendimin më 26 shtator, deputeti: Një i dënuar për trafik droge po stërzgjat gjyqin

Pas daljes nga salla e gjyqit, Salianji tha për mediat se nga audio në Gjykatë u vërtetua se nuk ka asnjë provë që e inkriminon. 

20 Shtator 2024, 14:27 Nga r.ll
Gjyqi ndaj Salianjit/ Apeli e jep vendimin më 26 shtator, deputeti:
ervn salianji

TIRANË- Gjykata e Apelit e ka shtyrë për në 26 shtator dhënien e vendimit për deputetin e PD-së, Ervin Salianji lidhur me dosjen "Babale". Pas daljes nga salla e gjyqit, Salianji tha për mediat se nga audio në Gjykatë u vërtetua se nuk ka asnjë provë që e inkriminon. 

"Sikurse e keni ndjekur, sot u zhvillua një proces, datë tjetër e në procesi të stërgjatë. U përballa sërish në gjykatë për shkak se një i dënuar për trafik droge jetonte i lirë në Shqipëri, për shkak të mbrojtjes që i jepte vëllai i vetë. Sikurse është e qartë nga dokumentet përmes audios në sallë, nuk ka asnjë fakt si mund të inkriminohem në këtë çështje. Nëse unë flas me emra konkrete, më shumë se 600 çështje gjyqësore të fituara, ku koha na ka dhënë të drejtë, sot ishim në një rast tjetër, ku unë përmendja argumente. Avokati ka një raport më shumë se thjesht me një klient. Nuk kemi bërë videoregjistrim, por audioregjistrim. Nuk kam asnjë interes unë, përveç interesit publik. Nuk kam asnjë njohje personale me Babalen. Nuk kam njohje me Babalet, as me Alfred Alizotin që ka prova si paguhet nga famozi Ard Veliu dhe Andon Marko. Të gjithë këto personazhe të përfshirë për të montuar politikisht një çështje për të më goditur politikisht si përfaqësues i opozitës, u demontuan“, tha Salianji. 

Deputeti demokrati tha se le të nxjerrin një dokument që “unë kam një njohje me ta dhe nuk dal më në publik”.

“Për ta quajtur këtë proces që nuk ka kallëzim kanë futur një vendim në gjykatën e shkallës së parë në mënyrë të falsifikuar dhe të fshehtë. Personi që e ka futur është Artan Gjermeni, si shërbëtor i bandës së Lushnjës”, tha ai.

ervin salianji

Sondazh

Poll

MË SHUMË