Politike

"Këtu nuk ka zgjedhje, ka vetëm votime", Balliu: Pushtetarët janë gati të vrasin e helmojnë këdo vetëm të mbushin xhepat e tyre

Balliu ka deklaruar se arsyeja për të cilën opozita nuk fiton zgjedhjet, është sepse në Shqipëri nuk bëhen zgjedhje, bëhen votime.

20 Shtator 2024, 12:06 Nga r.ll
"Këtu nuk ka zgjedhje, ka vetëm votime", Balliu:
klevis balliu

TIRANË- Shefi i Organizimit të PD-së në Tiranë Klevis Balliu, ka mbajtur fjalën e tij në protestën e 26-të të organizuar para bashkisë së Tiranës ku kërkohet dorëheqja e kryebashkiakut Erjon Veliaj.

Balliu ka deklaruar se arsyeja për të cilën opozita nuk fiton zgjedhjet, është sepse në Shqipëri nuk bëhen zgjedhje, bëhen votime. Më tej shtoi se pushtetarët janë gati të vrasin e helmojnë këdo vetëm të mbushin xhepat e tyre.

“Sado të vijmë e të flasim, të gjithë i dimë problematikat. E rëndë të thuash në 2025, që po duhet të fitojë opozita e duhet ndryshimi. I dëgjon nga njerëz që edhe paguhen nga pushteti aktual. E thonë pastaj, po nuk mund të fitohet, Sepse në subkoshiencë e dinë se këtu zgjedhje nuk ka, ka vetëm votime. Pushtetarët kanë një dashuri verbuese për paranë, janë gati të vrasin e helmojnë këdo vetëm të mbushin xhepat e tyre. Përkundër gjithçkaje që ndodh, në gjyq është opozita dhe masa sigurie merren për opozitën. Ka ardhur koha të nisim ne lëvizje të reja, të nisim veprime e akte. Duhen jo fjalime opozitare por akte opozitare.”, tha ai.

klevis balliu protesta para bashkise se tiranes

Sondazh

Poll

MË SHUMË