Politike

Besnikëria u shpërblye, Mirela Kumbaro bën zv.ministër drejtorin e shërbimeve, Sofjan Jaupaj

Nëse Ilva Gjuzi u shpërblye me postin e zv.ministres së Turizmit për shkak të thurjes së lavdeve ndaj Edi Ramës, Sofjan Jaupaj u emërua sot si zv.ministër për shkak të besnikërisë së tij ndaj Mirela Kumbaros.

18 Shtator 2024, 21:42 Nga N.F
Besnikëria u shpërblye, Mirela Kumbaro bën zv.ministër
Sofjan Jaupaj

TIRANË- Pasditen e sotme janë njoftuar ndryshime të reja në qeveri. Ndryshimet u bënë sot në mbledhjen e Këshillit të Ministrave ndërsa Rama i ka besuar pozicionin e zëvendësministërit të Turizmit dhe Mjedisit, Sofjan Jaupaj. 

Nëse Ilva Gjuzi u shpërblye me postin e zv.ministres së Turizmit për shkak të thurjes së lavdeve ndaj Edi Ramës, Sofjan Jaupaj u emërua sot si zv.ministër për shkak të besnikërisë së tij ndaj Mirela Kumbaros.

Jaupaj u emërua zv.ministër i Turizmit dhe Mjedisit pasi deri më tani shërbente si drejtor Ekonomik dhe i Shërbimeve Mbështetëse në ministrinë e drejtuar nga Mirela Kumbaro. Më parë ai ka punuar po me Kumbaron gjatë kohës kur ajo drejtonte Ministrinë e Kulturës. Lidhje tjetër favorizuese për Jaupajn me siguri mund të jetë edhe kunati i tij kryetar bashkie i Elbasanit.

Mesa duket tashmë marrja e një posti të rëndësishëm është fare i lehtë si proces pasi vetem me fjalinë Rama është 10 hapa para të tjerëvë arrihet të shkohet në pozicione të larta që për persona të tjerë do të duheshin vite të gjata pune. 

sofjan jaupaj.

Sondazh

Poll