Politike

"Nuk ka më kohë për votim elektronik në 6 qarqe!" SPAK heton dy tenderët e KQZ, Celibashi: Procesi legjitim në çdo pikëpamje, 0 shqetësim

Lidhur me votimin elektronik në zgjedhjet 2025, Celibashi tha se është shumë vonë për t’u shtrirë në 6 qarqe.

17 Shtator 2024, 12:02 Nga M.B

 

"Nuk ka më kohë për votim elektronik në 6 qarqe!"
Ilirjan Celibashi

TIRANA- Kreu i Komisionit Qendror të Zgjedhjeve, Ilirjan Celibashi, ka deklaruar sot se nuk ndihet i shqetësuar nga hetimi i SPAK për dy tendera të këtij institucioni. Ai ka shtuar se procesi është legjitim në çdo pikëpamje. Lidhur me votimin elektronik në zgjedhjet 2025, Celibashi tha se është shumë vonë për t’u shtrirë në 6 qarqe.

“Personalisht kam 0 shqetësim si për veten time, por edhe për këdo tjetër nga KQZ të angazhuar në këtë proces. Mendoj se nuk do të kishte dobi çfarëdo që të them unë, pasi në fund është dikush tjetër që jep vlerësimet edhe për këtë rast. Procesi ka të gjithë legjitimitetin në çdo pikëpamje... E pamundur në 6 qarqe, nuk ka më kohë. Votimi elektronik mund të bëhet vetëm në 1,2 ose 3 qarqe”, thotë Celibashi.

Që nga muaji gusht, SPAK po heton dy tenderë të Komisionit Qendror të Zgjedhjeve, të cilat i ka fituar kompania 'Smartmatic' për identifikimin dhe votimin elektronik.

 

kqz

Sondazh

Poll

MË SHUMË