Politike

Hetimet e SPAK/ Berisha: E falënderoj Fatmir Bektashin për atë sponsorizim për të cilin nuk kisha dijeni

Berisha tha po ashtu se të tre ata që janë sot të pandehur, strehuan 42 familje ose u dhanë atë që kërkuan, të cilët ishin të strehuara në zonën nën lokalet e klubit Partizani.

12 Shtator 2024, 20:47 Nga M.B
Hetimet e SPAK/ Berisha: E falënderoj Fatmir Bektashin për atë
Sali Berisha

TIRANA- Kreu i Partisë Demokratike, Sali Berisha, tha sot se Fatmir Bektashi, Xhim Begeja, Jamarbër Malltezi, i kanë dhuruar kryeqytetit në tokën e tyre dhe me paratë e tyre, kopshtin më modern të të gjithë Tiranës për fëmijët e komunitetit. Berisha tha po ashtu se të tre ata që janë sot të pandehur, strehuan 42 familje ose u dhanë atë që kërkuan, të cilët ishin të strehuara në zonën nën lokalet e klubit Partizani. Ai shtoi se ata nuk nxorën asnjë në rrugë dhe nuk kërkuan kurrë mbështetjen e policisë për t’i përzënë si pushtues. Berisha tha se falenderon biznesmenin Fatmir Bektashi për atë sponsorizim që ka bërë.

Pjesë nga fjala e Berishës:

Fatmir Bektashi, Xhim Begeja, Jamarbër Malltezi, i kanë dhuruar kryeqytetit në tokën e tyre, me paratë e tyre, kopshtin më modern të të gjithë Tiranës për fëmijët e komunitetit. Këta të tre, që janë sot të pandehur vetëm për shkak të Sali Berishës, strehuan 42 familje ose u dhanë atë që kërkuan, të cilët ishin të strehuara në zonën nën lokalet e klubit Partizani. Nuk nxorën asnjë në rrugë. Nuk kërkuan kurrë mbështetjen e policisë për t’i përzënë si pushtues.

Përkundrazi ndanë me ta një pjesë të ndërtimeve të tyre për të mos i lënë të pastrehë dhe të tjerëve u dhanë një shpërblim për largimin nga toka e tyre. Pra, Xhim Begeja me ekipin e tij pak vite më parë, valëviti flamurin e kombit në majën e Everestit. Sot, soji i hajdutit, soji pa soj, se nuk po e lëshoj gojën, i Edi Ramës, i vë ata nën akuza false vetëm e vetëm për urrejtje ndaj Sali Berishës.

Akuzon Fatmir Bektashin, të cilin unë sot e falënderoj për atë sponsorizim që ka bërë, por mësova nga akuza e Edi Ramës. Pse u ndala këtu? Në asnjë rrethanë, as në diktaturë, kjo nuk ndodhte kurrë. Një veprim i kryer për llogari të një institucioni, pa asnjë lidhje, pa asnjë ndërhyrje nga Sali Berisha, por i kryer në përputhje të plotë me ligjin, të dënohet tjetri për të, për diçka që nuk ka asnjë lidhje. Kjo është fytyra e vërtetë e Skapistëve pa fytyrë.

sali berisha

Sondazh

Poll

MË SHUMË