Politike

"Turp që duartrokisni fjalorin e tij", Vokshi- Spiropalit: Përjashtoni dhe merrni masa për kryeministrin

Gjatë replikave të tij me kreun e grupit parlamentar të PD, Gazment Bardhin, kryeministri përdori një gjuhë jo etike duke ironizuar demokratin dhe denoncimet e tij.

12 Shtator 2024, 11:14 Nga r.ll
"Turp që duartrokisni fjalorin e tij", Vokshi- Spiropalit:
kuvendi

TIRANË- Deputetja e PD-së, Albana Vokshi pas përfundimit të interpelancës për mbetjet toksike, i ka kërkuar kryetares së Kuvendit, Elisa Spiropalit përjashtimin e kryeministrit Edi Rama për fjalorin e tij. 

“I duartrokisni me atë fjalor skandaloz? Është një turp. Kërkoj ta përjashtoni e të merrni masa për kryeministrin”, tha Vokshi.

Gjatë replikave të tij me kreun e grupit parlamentar të PD, Gazment Bardhin, kryeministri përdori një gjuhë jo etike duke ironizuar demokratin dhe denoncimet e tij.

“Nuk e di a ju ndodh edhe ju e njëjta gjë, por mua më doli malli i të shkretit Lul, tutorit të kësaj figure që foli. Ata që e ndoqën e parë ku është dallimi ynë që flasim me fakte dhe këtyre që nuk dinë çfarë flasin. Këto mallra me këto emra nuk konsiderohen mbetje të rrezikshme. E dëgjuat reagimin e të reaguarit e konfuzuar në ekspertizën e tij. Zotëria e pret ekspertizën me gojën hapur e kokën lart, i futet ekspertiza në gojë nga lart, e rrotullon në për gojë dhe vjen e pështyn këtu, sepse flet zotëria për kush jam unë e kush është zotëri, për fjalë që kemi thënë”, tha Rama.

edi rama albana vokshi

Sondazh

Poll