Aktualitet

Moti i keq përfshin Sarandën, reshjet e dendura të shiut përmbytin rrugë e biznese

Gjithashtu rrugët janë bërë të pakalueshme si pasoje e rebeshit te shiut.

9 Shtator 2024, 21:18 Nga E. D
Moti i keq përfshin Sarandën, reshjet e dendura të shiut
permbytja

SARANDË- Reshjet e denduar të shiut kanë përfshirë Sarandën duke shkaktuar edhe përmbytje. Si pasojë e reshjeve me intensitet të lartë të shiut, rrugë dhe bulevarde janë shndërruar si përrenj në Sarandë. Gjithashtu rrugët janë bërë të pakalueshme si pasoje e rebeshit te shiut. Po ashtu uji është futur edhe në në disa biznese. 

Era e fortë ka rrëzuar një pishë në pyllin e sodës, duke bllokuar kështu njërin sens të rrugës. Rrëzimi i pishës në rrugë fatmirësisht nuk ndodhi në momente të qarkullimit të mjeteve, ndërsa janë shërbimet zjarrfikëse ata që kanë mbërritur në zonë.

Ndërkohë edhe qyteti i Vlorës pritet që të preket nga reshjet e shiut me intensitet të lartë në orët në vazhdim. Bashkia Vlorë për të shmangur incidentet i ka bërë apel qytetarëve që të jeni vigjilentë dhe të mos parkojnë mjetet në disa zona në qytet, si Biblioteka Publike, pranë Kishës Orthodhokse, në "Skelë" te dykalimshi. Sakaq, bashkia bënë me dije se grupet e punës së bashkisë do të jenë në terren për të monitoruar.

Njoftimi bashkisë:

“Të dashur qytetarë! Në orët në vijim priten reshje shiu me intensitet të lartë. Ju lutemi të jeni vigjilentë dhe të mos parkoni automjetet në zonat me risk të lartë si: Albano&Romina, Biblioteka Publike, pranë Kishës Orthodhokse, në "Skelë" te dykalimshi. Grupet tona të Ujësjellës Kanalizime dhe Bashkisë së Vlorës, do të jenë në terren në monitorimin e situatës dhe në ndërhyrje sipas rastit nëse do të jetë e nevojshme. Kërkojmë mirëkuptimin dhe bashkëpunimin tuaj! Faleminderit

vlore sarande reshje shiu

Sondazh

Poll

MË SHUMË