Politike

"Fieri është qarku që duhet të ndëshkojë PS-në!" Caktimi i drejtuesve politikë të qarqeve, Bardhi: Për herë të parë i caktojmë shumë më herët, kjo prej nevojës për zgjedhje të lira dhe të ndershme

Ai tha se ka bindjen e thellë se atje do të jetë reagimi më i fortë se qarqet e tjera.

9 Shtator 2024, 21:17 Nga M.B
"Fieri është qarku që duhet të ndëshkojë
Gazment Bardhi

TIRANA- Kreu i Grupit Parlamentar të Partisë Demokratike, Gazment Bardhi, do të jetë drejtues politik i qarkut Fier dhe përballë tij në fushatën elektorale do të jetë zv/kryeministrja njëherësh dhe ministrja e Infrastrukturës, Belinda Balluku. I ftuar në emisionin "Open" në News 24, Bardhi tha se ka bindjen se Fieri është qarku që duhet të ndëshkojë PS-në. Ai tha se ka bindjen e thellë se atje do të jetë reagimi më i fortë se qarqet e tjera.

“Është një fillim i mirë i PD. Ndodh për herë të parë që i caktojmë shumë më parë drejtuesit politikë. Kesaj here jemi në kohë, falë strategjisë së PD-së dhe nevojës për zgjedhje të lira dhe të ndershme. Unë jam në konflikt interesi për të fol për veten. Sa i takon Ballukun, vjen me fuqinë e krimit të organizuar dhe fuqinë e parave të korrupsionit. Unë do të shkoj para qytetarëve me ndershmërinë time dhe me faktin që do të duhet të fitoj besimin këtë që Balluku i ofron.

Kam bindjen se Fieri është qarku që duhet të ndëshkojë PS-në. Fieri është një qark me fuqi ekonomike, me biznese dhe bujqësi që duhet të zhvilloheshin dhe këto 11 vite ka ndjerë braktisjen totale të PS. Fakti që këto 11 vite i kanë dhënë kaq besim, kam bindjen e thellë se do të jetë reagimi më i fortë se qarqet e tjera. Nuk kam asnjë shqetësim që përballë kam një njeri të korruptuar dhe që e suporton krimin e organizuar. Unë nuk ngre gishtin për të akuzuar pa patur prova. Kam informacionin e nevojshëm dhe të plotë për këtë që them”, tha Bardhi.

gazment bardhi

Sondazh

Poll

MË SHUMË