Aktualitet

EMRI/ I dënuar me dy vite burg për mashtrim, arrestohet tek Komuna e Parisit 32-vjeçari i shpallur në kërkim

Materialet i kaluan Prokurorisë.

6 Shtator 2024, 15:12 Nga S.B
EMRI/ I dënuar me dy vite burg për mashtrim, arrestohet tek Komuna e
foto ilustruese

TIRANË- Një 32-vjeçar i shpallur në kërkim dhe i dënuar me burg është arrestuar ditën e sotme në zonën e Komunës së Parisit në Tiranë. Mësohet se Raikel Hyka 32 vjeç, është dënuar nga Gjykata e Vlorës me dy vite burg për mashtrim.

Materialet i kaluan Prokurorisë.

Njoftimi i policisë:

DVP Tiranë

Në zbatim të masave të përcaktuara në kuadër të planit operacional "Sundimi i ligjit" u finalizua nga Sektori i Operacioneve Speciale dhe Kërkimit në DVP Tiranë, operacioni policor i koduar "Fraud".

Kapet dhe ndalohet një 32-vjeçar i dënuar me 2 vjet burgim, për mashtrim.

Shërbimet e Sektorit për Operacionet Speciale dhe Kërkimin në DVP Tiranë, në zbatim të masave të hartuara në kuadër të megaoperacionit policor të koduar "Sundimi i ligjit", bazuar në informacionet e siguruara për vendndodhjen e një shtetasi në kërkim, kanë intensifikuar kontrollet për kapjen dhe vënien e tij përpara përgjegjësisë ligjore.

Si rezultat, në lagjen "Komuna e Parisit", u kap shtetasi R. H., 32 vjeç, banues në Tiranë, i cili ishte shpallur në kërkim pasi Gjykata e Shkallës së Parë e Juridiksionit të Përgjithshëm Vlorë, e ka dënuar me 2 vjet burgim për veprën penale "Mashtrimi".

Materialet i kaluan Prokurorisë.

tirane

Sondazh

Poll

MË SHUMË