Aktualitet

Shiste kokainë në lokalet e natës, arrestohet 35-vjeçari në Dhërmi

Në dhomën e hotelit të tij u gjetën dhe sekuestruan 100 doza kokaine, 31 000 lekë, 100 paund dhe 215 euro, një celular, një peshore elektronike, qese për ambalazhimin e dozave të lëndës narkotike dhe një automjet tip “Volkswagen”.

6 Shtator 2024, 14:23 Nga S.B
Shiste kokainë në lokalet e natës, arrestohet 35-vjeçari
pamje nga ngjarja

DHËRMI- Një 35-vjeçar është arrestuar në Dhërmi për posedim dhe shitje kokaine. Mësohet se K. D 35 vjeç, pasi siguronte kokainën, e ndante në doza dhe më pas e shiste në lokalet e natës.

Në dhomën e hotelit të tij u gjetën dhe sekuestruan 100 doza kokaine, 31 000 lekë, 100 paund dhe 215 euro, një celular, një peshore elektronike, qese për ambalazhimin e dozave të lëndës narkotike dhe një automjet tip “Volkswagen”.

Njoftimi i policisë:

DVP Vlorë/Vijon megaoperacioni policor i koduar “Tempulli 3”, goditet një tjetër rast i shitjes së lëndëve narkotike.

Finalizohet operacioni policor i koduar “Parts 30”, arrestohet një 35-vjeçar që shiste doza të lëndëve narkotike.

Sekuestrohen rreth 100 doza kokaine, shumë e konsiderueshme parash, një automjet, një celular, një peshore elektronike dhe qese për ambalazhimin e dozave të lëndës narkotike.

Specialistët e Seksionit për Hetimin e Narkotikëve të DVP Vlorë, në kuadër të veprimeve intensive operacionale të megaoperacionit antidrogë mbarëkombëtar të koduar “Tempulli”, pas informacioneve të marra në rrugë operative për një shtetas që posedonte lëndë narkotike dhe i shitste ato kryeshisht në lokalet e natës, në Dhërmi, organizuan dhe finalizuan operacionin policor “Parts 30”.

Si rezultat, u arrestua në flagrancë shtetasi K. D., 35 vjeç, banues në Tiranë.

Gjatë kontrollit në dhomën e hotelit, ku qëndronte ky shtetas, në Dhërmi, shërbimet e Policisë gjetën rreth 100 doza kokaine, 31 000 lekë, 100 paund dhe 215 euro, të dyshuara të përfituara nga kjo veprimtari kriminale, të cilat u sekuestruan së bashku me një celular, një peshore elektronike, qese për ambalazhimin e dozave të lëndës narkotike dhe një automjet tip “Volkswagen”.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Vlorë, për veprime të mëtejshme.

dhermi kokaine

Sondazh

Poll

MË SHUMË