Aktualitet

EMRI+FOTO/ Kapen sasi të mëdha droge në Athinë, shpallet në kërkim shqiptari me precedent të mëparshëm penal

Bëhet me dije se forcat e policisë kanë ndërhyrë në dy banesa në rrugët “Stuart 2” dhe “Athanasiou Diakou” në Athinë.

4 Shtator 2024, 10:49 Nga S.B
EMRI+FOTO/ Kapen sasi të mëdha droge në Athinë, shpallet
Panajot Mahmutaj

GREQI- Një shqiptar është arrestuar në Greqi ditën e sotmepër trafik të lëndëve narkotike. Policia greke ka kryer një operacion anti-drogë ditën e djeshme në zonën e Lekanopedio në Athinë. Bëhet me dije se forcat e policisë kanë ndërhyrë në dy banesa në rrugët “Stuart 2” dhe “Athanasiou Diakou” në Athinë.

Pas kontrolleve në njërën prej shtëpive është arrestuar greku Marios Kouskoulis 30 vjeç, ndërsa në shtëpinë tjetër nuk është gjetur asnjë person brenda. Mësohet se banesa e dytë rezulton se i ishte dhënë me qira Nikolaos Gardas 33 vjeç nga shqiptari Panajot Mahmutaj 24 vjeç nga Patosi.

EMRI+FOTO/ Kapen sasi të mëdha droge në Athinë, shpallet
kokainë rozë

Nga kontrollet në banesë janë gjetur dhe sekuestruar 53 kg 290 gram marijuanë, 3 kg 242 gram kokainë, 875 gram kokainë roz, 875 gram ketaminë, 545 gram metamfetaminë, 127 mijë e 215 euro, 1 automjet, 1 celular, 3 peshore, 1 grirës hashashi, 1 pajisje numërimi kartmonedhash, 1 pajisje metalike presuese, paketime droge, 2 role membrane. Sipas autoriteteve greke kokaina rozë shitej për 100-120 euro/grami.

Policia ka arrestuar Marios Kouskoulis 30 vjeç dhe ka shpallur në kërkim Nikolaos Gardas 33 vjeç dhe shqiptarin Panajot Mahmutaj 23 vjec nga Patosi. Ky i fundit rezulton me precedentë penalë në Greqi pasi në vitin 2018 është identifikuar si pjesë e një grupi kriminal që kishte kryer 72 vjedhje në Athinë.

droge greqi nikolaos gardas panajot mahmutaj marios kouskoulis

Sondazh

Poll

MË SHUMË