Sport

Nations League/ Sulmi i Anglisë do të strartojë me tre mungesa të rëndësishme…

Trajneri i përkohshëm Lee Carsley do të jetë pa Foden, Palmer dhe Watkins, kundër Irlandës dhe Finlandës

4 Shtator 2024, 09:00 Nga DOSJA

Nations League/ Sulmi i Anglisë do të strartojë me tre mungesa

ANGLI - Skuadra angleze, nënkampione e Eurokupës, do të jetë pa tre lojtarë të rëndësishëm në sulmin e saj në startin e fazës kualifikuese të Ligës së Kombeve.

Të udhëhequr nga Lee Carsley, si trajner i përkohshëm pas largimit të Gareth Southgate, ‘Tre Luanët’ do të përballen me Irlandën këtë të shtunë në Dublin dhe të martën do të presin Finlandën në Wembley.

Lojtarët që i mungojnë skuadrës janë Phil Foden (Manchester City), Cole Palmer (Chelsea) dhe Ollie Watkins (Aston Villa). Dy të fundit janë paraqitur sot në qendrën kombëtare stërvitore ndërsa Foden, i sëmurë, ka luajtur vetëm në një ndeshje të Cityt.

Nga ana e tij, Foden u lejua të mos udhëtonte për shkak të sëmundjes dhe gjithashtu u përjashtua, pasi mungoi në dy ndeshjet e fundit të Cityt në Premier League dhe luajti vetëm ditën e parë si zëvendësues.

Anglia, nënkampione e Evropës pas humbjes në finalen kundër Spanjës më 14 korrik, është në edicionin e Ligës së Kombeve që fillon këtë javë në Ligën B, pasi përfundoi e fundit në grupin e saj të Ligës A në pjesëmarrjen e saj të fundit pas Italisë, Hungarisë dhe Gjermanisë.

B.T (Dosja.al)