Sport

Italiani Maresca i zhgënjyer me barazimin e bluve: “E meritonim plotësisht fitoren”

Shumë keqardhje në radhët e Chelsea, pas barazimit 1-1 ndaj Crystal Palace.

2 Shtator 2024, 10:00 Nga DOSJA

Italiani Maresca i zhgënjyer me barazimin e bluve: “E meritonim

ANGLI - Enzo Maresca, në konferencë u shpreh i zhgënjyer nga barazimi: “E meritonim plotësisht fitoren e  ndeshjes. Kishim raste, kontrolluam lojën, nuk pësuam asgjë. Në pjesën e parë ata gjuajtën në portë vetëm me anë të Wharton. Paraqitja ishte shumë e mirë, por fatkeqësisht nuk i morëm tre pikët”.

A duhet të përjashtohej Hughes?
“Ne po prinim 1-0, ndoshta kishte një karton të dytë të verdhë dhe loja do të kishte ndryshuar. Reagimi i pankinës së tyre ishte ndryshimi i menjëhershëm dhe mendoj se kjo i thotë të gjitha, por arbitri e pa në një mënyrë tjetër, ndryshe, ndaj nuk kam çfarë të them”.

Jeni të shqetësuar për golat e pësuar?
"Unë jam gjithmonë i shqetësuar, nuk ka rëndësi nëse goli qëndron i pastër apo jo. Më pëlqen të analizoj ndeshjen: pësuam golin, por nuk pranuam asnjë rast tjetër. Pra nuk është problem në mbrojtje, por ne duhet të zgjidhim disa aspekte, sigurisht që ne duhet të bëjmë shumë gjëra më mirë”.

A ka besim te Jackson? Chelsea ishte e lidhur me Osimhen dhe Toney gjatë verës...
"Unë kam besim, dhe klubi po ashtu. Ne po kërkojmë një sulmues tjetër, por i besojmë Nicolas. E thashë javën e kaluar, kur dritarja e transferimit ishte ende e hapur: ai po bën mirë me ne, jam shumë i lumtur me të”.

A e keni marrë Jadon Sancho për të zgjidhur ndeshje si këto?
"Jadon është këtu sepse ne e pëlqejmë atë lloj lojtari, veçanërisht në gjysmë ore të fundit kundër blloqeve të ulëta si sot. Kur përballesh me një ekip të tillë, mund të thuash se ne kemi nevojë për lojtarë të tillë, edhe nëse do të kishim pesë, gjashtë ose shtatë shanse të qarta”.

B.T (Dosja.al)

Sondazh

Poll

MË SHUMË