Aktualitet

"Bizneset dhe pronat e sekuestruara përdoren përsëri nga trafikantët", Vezaj: SPAK-u duhet t'i damkosë me pankarta sekuestrot

Vezaj thotë se në këtë shtëpi Njësia e Narkotikëve të qarkut Madison në Nju Jork arrestoi katër persona, të cilët përdornin ambientet e kësaj shtëpie për prodhimin dhe shitjen e metamfetaminës së kristaltë. 

26 Gusht 2024, 22:33 Nga M.B
"Bizneset dhe pronat e sekuestruara përdoren përsëri nga
Foto nga vendi i ngjarjes

NEW YORK- Gazetari Flamur Vezaj ka bërë një postim në rrjetet sociale ku përkrah dy fotove shkruan se në pankartën para shtëpisë që tregohet shkruan “Kjo shtëpi droge është e mbyllur për biznes!”. Vezaj thotë se në këtë shtëpi Njësia e Narkotikëve të qarkut Madison në Nju Jork arrestoi katër persona, të cilët përdornin ambientet e kësaj shtëpie për prodhimin dhe shitjen e metamfetaminës së kristaltë. 

Ai shton se zyra e sherifit të qarkut Madison, pasi arrestoi të dyshuarit në Canastota, vendosi këtë pankartë për të njoftuar përdoruesit se grupi është goditur dhe mbyllur si “biznes”. Vezaj shkruan po ashtu në postim se atje policia jo vetëm që vendos reklama të mëdha në autostradë, por edhe të vogla për të shfaqur sukseset e saj. Për ta lidhur me vendin tonë ai shkruan se këto biznese e prona të sekuestruara në Shqipëri fatkeqësisht përdoren përsëri nga trafikantët e drogës. Sipas tij, SPAK-u duhet t'i damkosë me pankarta të tilla këto prona të sekuestruara!

Postimi:

“Kjo shtëpi droge është e mbyllur për biznes!”

Kështu shkruan në pankartën e vendosur para shtëpisë ku Njësia e Narkotikëve të qarkut Madison në Nju Jork arrestoi katër persona, të cilët përdornin ambientet e kësaj shtëpie për prodhimin dhe shitjen e metamfetaminës së kristaltë. Zyra e sherifit të qarkut Madison, pasi arrestoi të dyshuarit në Canastota, vendosi këtë pankartë për të njoftuar përdoruesit se grupi është goditur dhe mbyllur si “biznes”.

Pra, këtu policia jo vetëm që vendos reklama të mëdha në autostradë, por edhe këto të vogla për të shfaqur sukseset e saj! Imagjinoni që një pankartë e tillë të vendosej pranë bizneseve, hoteleve, vilave, apo kompanive të pasurive të sekuestruara në Shqipëri (me letra), të cilat fatkeqësisht përdoren përsëri nga trafikantët e drogës. Si do të ishte reagimi?

Unë mendoj se edhe SPAK-u duhet t'i damkosë me pankarta të tilla këto prona të sekuestruara!

Sondazh

Poll

MË SHUMË