Politike

Berisha: U bëj thirrje banorëve të veriut t'i japin Ramës atë që i kanë dhënë pushtuesve në të gjitha kohërat

Ai shtoi se Rama meriton përgjigjen që të mos mund të guxojë më, sipas tij, të kryejë akte të tilla diskriminuese.

25 Gusht 2024, 21:16 Nga M.B
Berisha: U bëj thirrje banorëve të veriut t'i japin
Sali Berisha

TIRANA- Kreu i Partisë Demorkatike Sali Berishatha sot se kryeministri Edi Rama ka një përçmim absolut për banorët e veriut ndaj dhe mbi ta vendos Rrajat, Ndokët, Bajrat, vendos mafiozët më të rrezikshëm të Shqipërisë. Berisha tha se u bën thirrje banorëve të veriut t'i japin Ramës atë që i kanë dhënë pushtuesve në të gjitha kohërat. Ai shtoi se Rama meriton përgjigjen që të mos mund të guxojë më, sipas tij, të kryejë akte të tilla diskriminuese.

Pjesë nga fjala e Berishës:

Por unë sonte dua të ju them gjithashtu edhe një të vërtetë tjetër. Se ky bir xhelati në veri do dhe respekton vetëm Bajrët, Ndokët, Gjokat, Frrokët, Lalët etj., vetëm vrasësit serialë, trafikantë dhe kriminelë. Sepse do të thoshte një njeri që e pyet, se nuk të vjen që mbështetesh tek këta; ata më sjellin vota mua, thotë. Pra ky ka një përçmim absolut për banorët e veriut ndaj dhe mbi ta vendos Rrajat, Ndokët, Bajrat, vendos mafiozët më të rrezikshëm të Shqipërisë.

Ndaj dhe sonte u bëj thirrje banorëve të veriut, kudo që ndodhen, në Tiranë, Krujë, Kurbin, Mirditë, Dibër, Mat, Shkodër, Pukë, Kukës, Tropojë, Has kudo që janë, ti japin këtij pushtuesi atë që i kanë dhënë pushtuesve në të gjitha kohërat. U bëj thirrje të ngrihen fuqishëm për të mbrojtur dinjitetin e tyre, qenien e tyre, për të mbrojtur kombin shqiptar, për të mbrojtur interesat e Shqipërisë.

Ai që i diskriminon, ai që i poshtëron, ai meriton përgjigjen që të mos mund të guxojë më, akte të tilla. Ndaj dhe ftoj të gjithë banorët e këtyre zonave, të ngrihen në këmbë, me zemërim, me revoltë, të ecim drejt qeverisë teknike për një Shqipëri që nuk diskriminon qytetarët në veriorë, jugorë.

Për një Shqipëri që nuk diskriminon me krahinë dhe besime fetare.Për një Shqipëri të qytetarëve të barabartë para ligjit. Për një Shqipëri ku qytetarët vendosin me vullnetin e tyre të lirë. Për një Shqipëri ku ndodh ndryshimi i pushtetit me votën e lirë, fitorja e opozitës. Rrofshi ju, rroftë Shqipëria.

sali berisha

Sondazh

Poll

MË SHUMË