Politike

"Rama sa erdhi e anuloi", Berisha: Në 2012 miratuam ligjin për 8 vite pa taksa për të gjithë ata që investojnë në zonat turistike malore

Ai shtoi se Shqipëria në 80% të saj, është kodrinore-malore dhe nuk ka asnjë qindarkë, asnjë mbështetje për turizmin në këto zona.

25 Gusht 2024, 21:11 Nga M.B
"Rama sa erdhi e anuloi", Berisha: Në 2012 miratuam ligjin
Sali Berisha

TIRANA- Kreu i Partisë Demokratike Sali Berisha ka deklaruar sot se në vitin 2012 kaluan ligjin për heqjen e taksave për 8 vite, për të gjithë ata që investojnë në zonat turistike malore, në mënyrë që ato të zhvillohen. Ai tha se akti i parë i Ramës ishte anulimi i këtij ligji dhe ua ktheu trafikantëve, investitorëve strategjik brigjet duke u dhënë 1.6 milionë metër katror tokë. Ai shtoi se Shqipëria në 80% të saj, është kodrinore-malore dhe nuk ka asnjë qindarkë, asnjë mbështetje për turizmin në këto zona.

Pjesë nga fjala e Berishë:

Të dashur miq! Shqipëria ka brigjet më mahnitëse, por Shqipëria po kaq mahnitëse ka malet. Shqipëria në 80% të saj, është kodrinore-malore. Këto male i japin asaj lartësinë mesatare më të madhe në Europë. Këto male janë një potencial i jashtëzakonshëm i saj. Asnjë qindarkë, asnjë mbështetje për turizmin në këto zona.

Në vitin 2012 kaluam ligjin për heqjen e taksave për 8 vite, për të gjithë ata që investojnë në zonat turistike malore, në mënyrë që ato të zhvillohen. Akti i parë anuloi këtë ligj, dhe ua ktheu trafikantëve, ua ktheu investitorëve strategjik në brigje, duke u dhënë 1.6 milionë metër katror tokë. Imagjinoni ju një investitor në Theth, në Lurë, në Martanesh, në Zagori, Çajup, tek bredhi i Hotovës, se sa i kushtueshëm është investimi, asnjë lehtësim, sepse trafikanët e peshojnë me narkoeuro dhe i kërkojnë llokma bregdeti. Pra a nuk është ky një diskriminim i tmerrshëm.

Çfarë bëri ky tjetër ndaj zonave më malore, por veriu është më malor. Vendosi mesataren për universitete të cilën nuk e plotësonin dot as 10 % e gjimnazistëve të këtyre zonave. Dhe u la atyre rrugën e mërgimit. Ky është diskriminim i tmerrshëm që u bën banorëve të veriut. I bëj thirrje këtyre banorëve të ngrihen kundër këtij diskriminimi. U bëj thirrje të mos pranojnë këtë poshtërim.

sali berisha

Sondazh

Poll